روس نے یوکرین پر میزائلوں کی بارش کر دی

یوکرین نے دعویٰ کیا ہے کہ روس نے صبح کے حملوں میں 81 میزائل اور آٹھ ڈرون فائر کیے ہیں۔

یوکرین کی فضائیہ کا کہنا ہے کہ روس نے جمعرات کی صبح سویرے حملوں کے دوران یوکرین پر 81 میزائل فائر کیے جن میں چھ کنزال ہائپرسونک میزائل اور آٹھ ڈرون شامل تھے۔

یوکرینی آرمی چیف نے کہا ہے کہ روسی فوج نے شہر کے شمالی حصے میں بھی 30 حملے کیے جن کو ناکام بنایا دیا گیا۔

روس کے ویگنر گروپ کے ملٹری کنٹریکٹر کے سربراہ نے دعویٰ کیا کہ ان کے جنگجوؤں نے باخموت کے تمام مشرقی حصے پر قبضہ کر لیا ہے جب کہ نیٹو کے سیکرٹری جنرل اسٹولٹن برگ نے کہا ہے کہ یوکرین کا باقی شہر اگلے چند دنوں میں حملہ آور فوج کے قبضے میں جا سکتا ہے۔

روسی وزارتِ دفاع کا کہنا ہے کہ باخموت پر قبضے سے یوکرین کے اندر مزید منظم اور مؤثر انداز میں کارروائیاں کر سکیں گے۔

Comments