ماسکو: یورپی یونین کی پابندیوں کے بعد روس نے ایشیائی ممالک کو برآمدات بڑھا دی ہیں۔
غیر ملکی خبر ایجنسی کے مطابق ایشیائی ممالک میں برآمدات کے لیے روس نے ٹرین سروسز پر توجہ دینا شروع کر دی ہے۔
2022 کے 10 ماہ میں روس نےچین کو 53 ملین ٹن کوئلہ برآمد کیا۔ 53 ملین ٹن کوئلہ چین کی مجموعی درآمد کا 23 فیصد ہے۔
جنوری سے اکتوبر تک چین کو روسی تیل کی برآمد 72 ملین ٹن تک پہنچ گئی۔ چین نے باقاعدہ طور پر روسی تیل کو ذخیرہ کرنا شروع کر دیا ہے۔
