ماسکو: روس اور جنوبی کوریا کے درمیان اسپوتنک فائیو نامی کرونا ویکیسن تیار کرنے کا معاہدہ ہوگیا ہے۔
روسی میڈیا کے مطابق روسی سرمایہ کاری فنڈ اور جنوبی کوریا کے جی ایل رافھا نامی کپمنی کے درمیان کرونا ویکیسن کی تیاری کا معاہدہ ہوا، روسی سرمایہ کاری فنڈ جسے آر ڈی ایف کے نام سے بھی جانا جاتا ہے، نے جنوبی کوریا کی معروف بائیو ٹیک کمپنی جی ایل رافھا سے 150 ملین سے زائد اسپوتنک فائیو خوراک بنانے کا معاہدہ کیا۔
روسی میڈیا کے مطابق آر ڈی ایف اور جی ایل رافھا نے اس بات پر اتفاق کیا ہے کہ اسپوتنک فائیو کی تیاری کا مرحلہ اگلے ماہ سے شروع کیا جائے گا ، اور جنورہ دو ہزار اکیس میں اس کی پیداوار شروع کردی جائے گی۔
یہ بھی پڑھیں: کورونا ویکسین، امریکا کے بعد روس کا بھی بڑا دعویٰ
واضح رہے کہ نو نومبر کو روس نے بھی اپنی بنائی گئی کرونا ویکسین کے 90 فیصد سے زیادہ مؤثر ہونےکا دعویٰ کرتے ہوئے کہا کہ کورونا ویکسین اسپوتنک فائیو 90 فیصد سےزیادہ مؤثرہے، یہ بیان امریکی صدر کے اعلان کے کچھ دیر بعد ہی سامنے آیا ہے۔ روسی وزارت صحت کا کہنا ہے کہ ملکی سطح پر تیاری کی گئی ویکسین کے نتائج 90 فیصد سے زیادہ مثبت آئے ہیں۔
