روس کی جانب سے یوکرین کے دارالحکومت کیف پر میزائل اور ڈرون حملہ کیا گیا ہے، جس کے بعد بڑے پیمانے پر ہلاکتوں کا امکان ظاہر کیا جارہا ہے۔
بین الاقوامی خبر رساں ادارے کی رپورٹ کے مطابق وسطی کیف میں دھماکوں کی آوازیں سنائی دیں، جس کے بعد یوکرین کی فوج کی جانب سے کیف اور اس سے ملحقہ علاقوں میں مزید فضائی حملوں کا الرٹ جاری کیا گیا ہے۔
روس کے متعدد فضائی حملوں کی تصدیق کرتے ہوئے یوکرین کے حکام کا کہنا ہے کہ روس کے پاس فضا میں اسٹریٹجک بمبار طیارے (TU-9511) موجود ہیں، روس مزید بڑے فضائی حملے کرسکتا ہے۔
مقامی حکام کا کہنا ہے کہ شمال مغربی شہر لوٹسک میں بھی روسی افواج کی جانب سے حملے کئے گئے ہیں۔
ادھر سماجی رابطے کی ویب سائٹ ایکس پر پولینڈ کی مسلح افواج نے پیغام جاری کیا ہے کہ اگر روس یوکرین کی مغربی سرحد جو پولینڈ سے ملحقہ ہے، کے قریبی علاقوں پر حملہ کرے گا تو اس کا رد عمل دیا جائے گا۔
فلسطینی وزارت خارجہ اور اسرائیلی اپوزیشن کی مسجد اقصیٰ سے متعلق بن گویر کے بیان کی شدید مذمت
واضح رہے کہ امریکا کی جانب سے گزشتہ ہفتے یوکرین کے یوم آزادی کے موقع پر روسی حملے کا انتباہ جاری کیا گیا تھا۔
