ماسکو : روسی فیڈریشن کے وزیر خارجہ سرگئی لاوروف نے کہا ہے کہ اسلامی ممالک کے ساتھ تعلقات کو مضبوط بنانا روس کی خارجہ پالیسی میں شامل ترجیحات میں اہم ہے۔
ان خیالات کا اظہار انہوں نے ماسکو میں روس اسلامک ورلڈ اسٹریٹجک ویژن گروپ کے اجلاس سے خطاب کرتے ہوئے کہی۔اجلاس میں پاکستان کی نمائندگی روس میں متعین پاکستان کے سفیر شفقت علی خان نے کی۔
سرگئی لاوروف نے کہا کہ روس، یوریشیا کی سب سے بڑی طاقت اور کلچر پر مبنی ریاست ہے اور ہم اسلامی دنیا کے ممالک کے ساتھ اچھے، دیانتدارانہ، باہمی احترام پر مبنی تعلقات کو خصوصی اہمیت دیتے ہیں، ان تعلقات کو ملکی خارجہ پالیسی کی غیر متزلزل ترجیحات میں مزید تقویت ملتی ہے۔
لاوروف نے نشاندہی کی کہ روس مسلم ریاستوں کے دوستوں کے ساتھ مل کر اقوام متحدہ کے چارٹر کے اصولوں پر مبنی ایک زیادہ منصفانہ، جمہوری کثیر قطبی عالمی نظام کی تشکیل کے لیے کھڑا ہے۔ ہم اجتماعی مغرب کی طرف سے جارحانہ طور پر مسلط کردہ انتہائی لبرل اقدار کو مسترد کرتے ہیں۔
اس تقریب میں غیر ملکی سفارت کاروں کے علاوہ روس کے مفتی اعظم شیخ راویل گیانوت الدین سمیت ملکی اور غیر ملکی میڈیا نمائندوں کی بڑی تعداد نے شرکت کی۔