کیف: یوکرین میں رہائشی عمارت پر روس کے میزائل حملے میں 8 افراد ہلاک ہو گئے۔
غیر ملکی میڈیا رپورٹس کے مطابق مشرقی یوکرین کے علاقے ڈونٹسک کے شہر پوکروسک میں ایک رہائشی عمارت پر روس کے میزائل حملے کے نتیجے میں آٹھ افراد ہلاک اور 31 زخمی ہو گئے۔
یوکرینی حکام کے مطابق 2 روسی میزائلوں نے ڈونٹسک کے رہائشی علاقے میں 5 منزلہ عمارت کو نشانہ بنایا، جس سے کئی عمارتیں ملبے کا ڈھیر بن گئیں۔
No, these aren’t WWII images. It’s Russian missiles in Pokrovsk, another frontline city that Russia aims to erase. pic.twitter.com/MYQRPj9LJy
— Maria Avdeeva (@maria_avdv) August 7, 2023
یوکرینی حکام کی جانب سے پیر کو جاری کی گئی ویڈیوز اور تصاویر میں لوگوں کو ملبہ ہٹاتے ہوئے دکھایا گیا ہے، جس میں ایک بری طرح سے تباہ شدہ پانچ منزلہ اپارٹمنٹ بھی شامل ہے، جب کہ زخمیوں کو طبی امداد پہنچانے کے لیے ایک ایمبولینس بھی جائے وقوعہ پر موجود تھی۔
The city of Pokrovsk, Donetsk region. Donbas, from which Russia is trying to leave only broken and scorched stones. Two missile strikes. An ordinary residential building was hit. Unfortunately, there are victims. Rescuers and all necessary services are on the scene. The rescue of… pic.twitter.com/zsIA7dR6HR
— Володимир Зеленський (@ZelenskyyUa) August 7, 2023
روئٹرز کے مطابق ڈونٹسک کے علاقائی گورنر پاؤلو کیریلینکو نے بتایا کہ حملوں میں آٹھ افراد ہلاک ہوئے، جن میں 5 شہری، 2 امدادی کارکن اور ایک فوجی اہلکار شامل ہے، جب کہ 31 زخمیوں میں یوکرینی سیکیورٹی سروسز کے 10 ارکان بھی شامل ہیں۔ حملوں سے ایک ہوٹل، رہائشی عمارتوں اور دیگر شہری ڈھانچے کو نقصان پہنچا۔