روس میں خاتون اینکر براہ راست انٹرویو کے دوران بیہوش ہوگئی Russian TV journalist
The news is by your side.

Advertisement

روس میں خاتون رپورٹر براہ راست انٹرویو کے دوران بے ہوش ہوگئی

ماسکو: روس میں خاتون رپورٹر براہ راست انٹرویو کے دوران بے ہوش ہوگئی، چینل نے فوری طور پر براہ راست ویڈیو ختم کردی۔

غیر ملکی خبرساں ادارے کے مطابق روس کے نجی ٹی وی چینل سے وابستہ ڈاریا کوزلووا تقریب کے دوران پیشہ وارانہ امور انجام دے رہی تھیں کہ اس دوران ان کی حالت اچانک غیر ہوگئی اور وہ بے ہوش ہوگئیں۔

ڈاریا کا روسی وزیر صنعت و تجارت ڈینس مینٹورو سے سوال و جواب کا سلسلہ جاری تھا جو ٹی وی پر براہ راست نشر کیا جارہا تھا ایک غیر معمولی صورتحال اس وقت پیدا ہوئی جب کھڑے کھڑے خاتون رپورٹر چپ ہوگئیں۔

کیمروں کے سامنے کھڑے وزیر اگلے سوال کا انتظار کرنے لگے تاہم صحافی کی جانب سے کوئی سوال نہ آیا اور اچانک رپورٹر کی حالت غیر ہونے کی وجہ سے اپنے قدموں پر کھڑے ہونے کی سکت کھو بیٹھیں اور پیچھے کی طرف گرنے لگیں۔

وزیر نے فوری طور پر آگے بڑھتے ہوئے خاتون رپورٹر کو سنبھالا تاہم اگلے ہی لمحے رپورٹر بے ہوش کر گرنے لگی تو وزیر نے انہیں زمین پر گرنے سے بچالیا جس پر چینل نے فوری طور پر براہ راست ویڈیو ختم کردی۔

ویڈیو دیکھیں

Comments

comments

یہ بھی پڑھیں