کابل: روس سے انسانی امداد کی پہلی کھیپ افغانستان پہنچ گئی۔
افغان میڈیا کے مطابق روس کی جانب سے انسانی امداد پر مشتمل سامان کی پہلی کھیپ کابل پہنچ گئی۔
امارت اسلامیہ افغانستان کے حکام نے بتایا کہ 36 ٹن انسانی امداد لے کر 3 کارگو طیارے 18 نومبر بروز جمعرات کابل پہنچے اور ان کے حوالے کر دیے گئے۔
طالبان ترجمان ذبیح اللہ مجاہد نے بتایا کہ روسی امداد آٹا، تیل اور کمبلوں پر مشتمل ہے۔
ذبیح اللہ مجاہد کے مطابق افغانستان کے لیے روس کی انسانی امداد کُل 108 ٹن پر مشتمل ہے، اور اسے تین مراحل میں کابل پہنچایا جائے گا۔ انھوں نے کہا کہ ایک کھیپ آج پہنچی، جب کہ باقی دو کھیپ آنے والے دنوں میں افغانستان پہنچیں گی۔
۱/۳ ــ #خبــر:
نن سهار د روسیې هیواد لخوا د افغانستان له خلکو سره د بشري مرستو لومړۍ جوپه را ورسیده.
دغه مرستې، چې په ۳ الوتکو کې را انتقال شوې او ۳۶ ټنه وزن یې درلود، اوړه، غوړي او کمپلې په کې شاملې دي او د اسلامي امارت د ویاند محترم ذبیح الله مجاهد، د ضد حوادث وزارت د معین pic.twitter.com/D657KOrqFw— Zabihullah (..ذبـــــیح الله م ) (@Zabehulah_M33) November 18, 2021
افغان حکام نے افغان عوام کی جانب سے روسی حکومت کا شکریہ ادا کیا، اور دیگر ممالک سے افغان عوام کے لیے امداد جاری رکھنے کی درخواست کی۔
چند دن قبل افغانستان کے لیے روس کے خصوصی ایلچی ضمیر کابلوف نے کہا تھا کہ روس کی وزارت دفاع اور صحت افغانستان کے لیے انسانی امداد کی تیاری کر رہی ہے۔
گزشتہ چند دنوں کے دوران ایران، پاکستان، ازبکستان، چین اور قطر سمیت کچھ ممالک نے افغانستان کو انسانی امداد اور طبی سامان کی فراہمی میں تعاون کیا ہے۔
