The news is by your side.

Advertisement

کرونا پابندیوں سے متعلق روس کی تجویز، دنیا حیران

ماسکو: روس نے اقوام متحدہ کی عالمی سیاحت کی تنظیم سمیت متعدد یورپی اور ایشیائی ممالک کے سیاحتی اداروں کو تجویز دیکر دنیا کو حیران کردیا ہے۔

غیر ملکی میڈیا رپورٹ کے مطابق روسی ایسوسی ایشن آف ٹور آپریٹرز کا کہنا ہے کہ ویکسین لگوانے والے افراد کو دنیا بھر میں گھومنے، سفر کرنے اور بغیر کسی پابندی کے چھٹیاں گزارنے کی اجازت دے دینی چاہیے جیسا کہ کرونا وائرس کے دنیا میں آنے سے پہلے ہوا کرتا تھا۔

روسی ایسوسی ایشن آف ٹور آپریٹرز نے اپنی انوکھی تجویز پر اقوام متحدہ کی عالمی سیاحت کی تنظیم (یو این ڈبلیو ٹی او) اور متعدد یورپی اور ایشیائی ممالک کے سیاحتی اداروں سے رجوع کیا، جس میں انہوں نے بین الاقوامی سیاحت کی بحالی کی متعلق اپنی تجاویز ان سے شیئر کیں۔

روسی ایسوسی ایشن برائے ٹورازم کا موقف ہے کہ اس مسئلے میں تاخیر عالمی سیاحت کے شعبے میں مزید بحران کی صورت حال پیدا کرے گی ، یہی وجہ ہے کہ اب کرونا وائرس کی اس عالمی وبا کے خاتمے کا انتظار کیے بغیر سیاحتی اور کاروباری سفر کی بحالی بہت ضروری ہے۔

یہ بھی پڑھیں:سعودی عرب نے پاکستان میں لگنے والی کرونا ویکسینز کو منظور کرلیا، گائیڈ لائنز جاری

ایسوسی ایشن نے مزید کہا کہ مسافروں کے لئے لازمی قرنطینہ اور دیگر پابندیوں کو اب فوری ختم کر دینا چاہیے، ایسوسی ایشن کے مطابق ویکسین شدہ شہریوں کے لیے دنیا بھر میں آزادانہ طور پر گھومنے کی اجازت بین الاقوامی سیاحت کو دوبارہ شروع کرنے کے لیے ایک اہم ترین قدم بن سکتی ہے۔

روسی ایسوسی ایشن آف ٹور آپریٹرز نے اسی طرح کی تجویز اسپین ، اٹلی ، برطانیہ ، چین ، جاپان کے ساتھ ساتھ دیگر یورپی اور ایشیائی بحرالکاہل ممالک کی سیاحتی تنظیموں کو بھیجی ہے تاکہ وہ بھی اس اقدام کی حمایت کریں۔

واضح رہے کہ اس وقت دنیا کے بیشتر ممالک بھارتی وائرس ڈیلٹا کی زد میں ہیں، اور پاکستان سمیت متعدد ممالک نے ہاٹ اسپاٹ علاقوں میں لاک ڈاؤن لگارکھے ہیں۔

Comments

یہ بھی پڑھیں