ماسکو: روس کے براہ راست سرمایہ کاری فنڈ (آر ڈی آئی ایف) نے کہا ہے کہ میکسیکو کو روسی اسپوتنک وی ویکسین کی 3 کروڑ خوراکیں دی جائیں گی۔
روس کے براہ راست سرمایہ کاری فنڈ (آر ڈی آئی ایف) کی جانب سے جاری پریس ریلیز کے مطابق میکسیکو کے ریگولیٹرز کی منظوری کے بعد اگلے ماہ اسے روسی اسپوتنک وی ویکسین کی 3 کروڑ خوراکیں ملیں گی۔
آر ڈی آئی ایف کا کہنا ہے کہ روس کے براہ راست سرمایہ کاری فنڈ اور لینڈ اسٹینر سائنسی دوا ساز کمپنی نے اس سلسلے میں ایک معاہدے پر بھی دستخط کیے ہیں۔
پریس ریلیز کے مطابق آر ڈی آئی ایف کے ساتھ معاہدے کے بعد لینڈ ڈیٹنر سائنٹیفک روس کے براہ راست سرمایہ کاری فنڈ کے شراکت دار کی حیثیت سے میکسیکو میں یہ ویکسین تقسیم کرے گا۔
روس کے براہ راست سرمایہ کاری فنڈ کے سی ای او کریل دمتریو نے اسپوتنک کی بڑی کھیپ میکسیکو پہنچانے پر اتفاق کیا ہے جس سے میکسیکو کی 25 فیصد آبادی کو محفوظ اور موثر ویکسین تک رسائی حاصل کرنے میں مدد ملے گی۔
