ہفتہ, جولائی 13, 2024
اشتہار

برطانوی حکومت تارکین وطن کے بچوں کو بھی روانڈا بھیجے گی

اشتہار

حیرت انگیز

کیگالی : برطانیہ میں غیرقانونی طور پر مقیم تارکین وطن کے ساتھ ان کے بچوں کو بھی روانڈا بھیجا جائے گا جس کیلئے روانڈا حکومت نے اقدامات کرلیے ہیں۔

روانڈا کے دارالحکومت کیگالی میں قائم ہاسٹل میں برطانیہ سے بھیجے جانے والے تارکین وطن قیام کریں گے جس کے ساتھ ان کے بچے بھی ہوں گے۔

اس حوالے سے کیگالی کے ہوپ ہاسٹل میں بچوں کی دلچسپی کیلیے کھیل کود کے مواقع اور دیگر سہولیات فراہم کرنے کیلئے اہم اقدامات کیے گئے ہیں۔

- Advertisement -

غیرملکی خبر رساں ادارے کی رپورٹ کے مطابق مذکورہ ہاسٹل میں فٹ بال گراؤنڈ، باسکٹ بال کورٹ اور ان بچوں کے لیے کھلونے بھی رکھے جائیں گے۔

واضح رہے کہ برطانوی وزیراعظم بورس جانسن نے ایک منصوبے کا اعلان کیا ہے جس کے تحت برطانیہ میں غیر قانونی طور پر مقیم اور سیاسی پناہ کی درخواست دینے والوں کو افریقی ملک روانڈا بھیجا جائے گا، جنہیں درخواست منظور ہونے تک وہیں رکھا جائے گا۔

مزید پڑھیں : برطانیہ کی تارکین کو افریقہ منتقل کرنے کی کوشش ناکام

اس حوالے سے بورس جانسن کا کہنا ہے کہ روانڈا جانے والوں کو وہاں کی مستقل رہائش دی جائے گی اور انہیں وہاں سے اپنے ملک واپس جانے کی سہولیات بھی حاصل ہوں گی، ان کے اس منصوبے کا مقصد برطانیہ کو درپیش غیر قانونی تارکین وطن کی آمد کے مسئلے سے نمٹنا ہے۔

یاد رہے کہ اس سے قبل غیر قانونی تارکین کو افریقہ منتقل کرنے کیلئے برطانوی طیارے کی پرواز کو یورپی عدالت کے فیصلے کی وجہ سے منسوخ کرنا پڑا تھا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں