پاکستانی اداکارہ صبا قمر نے اپنی خوبصورتی کے سامنے نامور پاکستانی اداکاراؤں کو بے معنی قرار دے دیا۔
اپنی ذات سے محبت کرنے والی اداکارہ صبا قمر کی ایک ویڈیو سوشل میڈیا پر وائرل ہے جس میں انہوں نے اپنے آپ کو خوبصوری میں پاکستان کی دیگر اداکاراؤں سے بہترین قرار دیا ہے۔
صبا قمر نے کہا کہ ’اپنی جلد کیلئے مطمئن رہیں‘ جبکہ ویڈیو میں ان کے ساتھ خاتون صبا قمر سے چند اداکاراؤں کے نام لیکر کسی ایک کی تعریف کرنے کو کہتی ہیں۔
View this post on Instagram
جس پر صبا قمر کا کہنا تھا کہ ’کسی ایک کو منتخب نہیں کرسکتی، لیکن مہوش حیات، سجل علی، یمنیٰ زیدی، اقراء عزیز ان سب کو ملایا جائے تو ایک اچھی صبا قمر بن سکتی ہے۔‘
خیال رہے کہ پاکستان شوبز انڈسٹری میں بات بہترین اداکاری کی ہو یا فیشن سینس کی دونوں ہی شعبوں میں صبا قمر اپنا ایک الگ ہی مقام رکھتی ہیں۔
View this post on Instagram
صبا قمر کی فٹنس کے حوالے سے اکثر وبیشتر سوال کیے جاتے ہیں، اس حوالے سے وہ کہتی ہیں کہ ان کے چہرے کی جِلد بہت زیادہ خشک ہے، اس لیے وہ روزانہ خوب پانی پیتی ہیں اور جلد کواچھا رکھنے کے لئے قدرتی ٹوٹکوں کا استعمال کرتی ہوں۔
واضح رہے کہ ٹی وی ڈراموں میں شان دار اداکاری کر کے پاکستان اور بیرون ملک اپنا لوہا منوانے والی اداکارہ صبا قمر نے اپنی اور اپنے ملک کی عزت کو ہمیشہ مقدم رکھا۔
