پاکستان کی معروف اداکارہ صبا قمر کا کہنا ہے کہ میں بہت سے لوگوں کو زہر لگتی ہوں، شادی کے بعد طلاق سے ڈر لگتا تھا۔
فوٹو اینڈ ویڈیو شیئرنگ ایپلی کیشن انسٹا گرام پر گردش کرنے والی ویڈیوز میں اداکارہ صبا قمر کو انٹرویو دیتے ہوئے دیکھا جا سکتا ہے۔
ایک ویڈیو میں صبا قمر نے کہا کہ چاہے عورت پورا گھر چلا رہی ہے لیکن چلے گی اُسی مرد کی جو گھر میں بیٹھا کچھ بھی نہیں کر رہا، میں معذرت چاہتی ہوں کیوں کہ میری یہ بات بہت لوگوں کو بُری لگے گی لیکن حقیقت یہی ہے، یہی وجہ ہے کہ میں بہت لوگوں کو زہر لگتی ہوں۔
View this post on Instagram
دوسری میں اداکارہ کو کہتے سنا جا سکتا ہے کہ مجھے بہت ڈر لگتا تھا شادی کرنے سے، پھر میں نے منٹور سے پوچھا کہ شادی کر لوں لیکن مجھے ڈر لگتا ہے، اس نے کہا کہ کس بات کا ڈر لگتا ہے، زیادہ سے زیادہ شادی نہیں چلے گی، میں نے کہا کہ طلاق یافتہ ہو جاؤں گی، پھر اس نے کہا کہ ایک اور شادی کر لینا، میں نے کہا کہ یہ کتنا آسان ہے آپ کے لیے یہ کہنا، اس نے کہا کہ زندگی یہی ہے، آپ کو نہیں سمجھ آرہی، نہ کرنے سے بہتر ہے آپ کرلو، میں نے کہا کہ مجھے اچھا لگا، کیوں نہیں۔
View this post on Instagram
کچھ روز قبل اے آر وائی ڈیجیٹل کے مارنگ شو میں میزبان ندا یاسر کے ساتھ گفتگو کرتے ہوئے اداکارہ صبا قمر نے اپنی شادی کے حوالے سے اپنے خیالات کا اظہار کیا تھا۔
میزبان ندا یاسر نے پوچھا تھا کہ تمہیں کس کے لیے آلو قیمہ بننا سیکھنا ہے۔ اس پر صبا قمر شرما گئیں اور کہا کہ لوگ سمجھ گئے ہیں۔ اداکارہ نے کیمرے کی جانب دیکھتے ہوئے کہا کہ ”ہے کوئی، بتا دوں گی میں آپ سب کو، تھوڑا صبر رکھیں۔“
ندا یاسر نے سوال کیا کہ وہ دن جب آئے گا؟ اس کے جواب میں صبا قمر نے کہا کہ ”وہ دن بہت جلد آئے گا، ان شاء اللہ۔“ میزبان نے سوال کیا کہ ”ہم آپ کے ہاتھوں پر مہندی لگی ہوئی دیکھنا چاہتے ہیں، کیا مہندی لگائیں گی؟ اس پر صبا قمر پھر شرما گئیں۔
اداکارہ نے کہا کہ مجھے بہت شرم آ رہی ہے، جلد ہوگا یہ سب، اللہ نے میرے نصیب میں لکھا ہوگا، شادی کی ایک اچھی تقریب رکھوں گی، میری خواہش کہ شادی میں اپنے لوگ ہوں، بہت سارے لوگ نہیں چاہییں مجھے۔