پاکستانی فلم انڈسٹری کے ساتھ ساتھ بالی وڈ میں بھی اداکاری کے جوہر دکھانے والی صبا قمر کی دلچسپ ویڈیو سوشل میڈیا پر وائرل ہوگئی۔
صبا قمر اکثر سوشل میڈیا پر پھولوں کی تصاویر یا ویڈیوز شیئر کرتی ہیں جس پر ان کے مداح پوچھتے ہیں کہ پھول آپ کو کون بھیجتا ہے۔
اداکارہ نے آج پھر ایک ویڈیو انسٹا گرام پر پوسٹ کی ہے جس میں دیکھا جا سکتا ہے کہ علی الصبح ان کے گھر میں جگہ جگہ گلدستے رکھے ہیں جنہیں دیکھ کر وہ انتہائی خوش دکھائی دے رہی ہیں۔
مزید پڑھیں: صبا قمر کو پھول بھیجنے والا کون ہے؟ اداکارہ نے بتا دیا
ویڈیو میں میوزک کے لیے صبا قمر نے بھارتی گلوکار اریجیت سنگھ کے مشہور گانے ’کچھ تو ہے تجھ سے رابطہ‘ کا انتخاب کیا۔ ویڈیو پر مداحوں کی جانب سے ایک ہی سوال کیا جا رہا ہے کہ آپ کو یہ گلدستے کسی نے بھیجے ہیں؟
View this post on Instagram
اس سے قبل ایک نجی نیوز چینل کے مزاحیہ شو میں صبا قمر سے سوال کیا گیا تھا کہ آپ اکثر پھولوں کی تصاویر شیئر کرتی ہیں، یہ بھیجتا کوں ہے؟
صبا قمر نے جواب میں بتایا تھا کہ پھول تو محبت کرنے والے بھیجتے ہیں، اُس سے شادی کرنے والی ہوں جس کے دیے گئے پھولوں کی ویڈیوز اکثر شیئر کرتی رہتی ہوں۔
ان کا کہنا تھا: ’بس اتنا کہہ سکتی ہوں کہ جو بھی پھول دے رہا ہے وہ پاکستانی نہیں ہے لیکن یہاں جلد آئے گا، ابھی جو حالات ہیں اس کے مطابق دیر نہیں لگے گی۔‘