پاکستانی فلم انڈسٹری کے ساتھ ساتھ بالی وڈ میں بھی اداکاری کے جوہر دکھانے والی صبا قمر کی پھولوں کے ساتھ ویڈیو وائرل ہوگئی۔
صبا قمر کی جانب سے انسٹاگرام پر پوسٹ کی گئی ویڈیو میں دیکھا جا سکتا ہے کہ ان کے گھر میں جگہ جگہ خوبصورت گل دستے موجود ہیں جبکہ ایک پر لکھا ہے: ’نیا سال مبارک ہو صبا!‘
ویڈیو میں اداکارہ انتہائی خوش اور ترو تازہ نظر آ رہی ہیں۔ انہوں نے اپنی خوشی کو مداحوں کے ساتھ شیئر کیا۔ ویڈیو پوسٹ کرنے سے قبل اداکارہ نے اس کے پیک گراؤنڈ میں خوبصورت گانا بھی لگایا۔
صبا قمر نے ویڈیو کے کیپشن میں صرف ’2023‘ لکھا ہے۔ مداح ان کی ویڈیو کو پسند کر رہے ہیں اور ساتھ ہی گل دستے بھیجنے والے کا بھی پوچھ رہے ہیں۔
متعلقہ: مداحوں نے صبا قمر کو اہم مشورہ دے دیا
View this post on Instagram
گزشتہ سال نجی نیوز چینل کے مزاحیہ شو میں شرکت کے دوران میزبان نے صبا قمر سے سوال کیا تھا کہ آپ اکثر پھولوں کی تصاویر شیئر کرتی ہیں، یہ پھول آپ کو بھیجتا کون ہے؟
اس پر اداکارہ نے جواب دیا تھا کہ پھول تو محبت کرنے والے بھیجتے ہیں، اُس سے شادی کرنے والی ہوں جس کے دیے گئے پھولوں کی ویڈیوز اکثر شیئر کرتی رہتی ہوں۔
ان کا کہنا تھا کہ بس اتنا کہہ سکتی ہوں کہ جو بھی پھول دے رہا ہے وہ پاکستانی نہیں ہے لیکن یہاں جلد آئے گا، ابھی جو حالات ہیں اس کے مطابق دیر نہیں لگے گی۔
متعلقہ: کیا صبا قمر شادی کے بعد شوبز چھوڑ دیں گی؟
View this post on Instagram
اس سے قبل اے آر وائی ڈیجیٹل کے مارنگ شو میں میزبان ندا یاسر کے ساتھ گفتگو کرتے ہوئے صبا قمر نے اپنی شادی کے حوالے سے خیالات کا اظہار کیا تھا۔
میزبان ندا یاسر نے پوچھا تھا کہ تمہیں کس کے لیے آلو قیمہ بننا سیکھنا ہے؟ اس پر صبا قمر شرما گئیں اور کہا کہ لوگ سمجھ گئے ہیں۔ اداکارہ نے کیمرے کی جانب دیکھتے ہوئے کہا کہ ’ہے کوئی، بتا دوں گی میں آپ سب کو، تھوڑا صبر رکھیں۔‘
