بھارت کے لیجنڈ سابق کرکٹر سچن ٹنڈولکر نے قومی ویمن ٹیم کی کپتان بسمہ معروف کی بیٹی سے متعلق پیغام شیئر کیا جو سوشل میڈیا پر وائرل ہوگیا۔
سابق بھارتی کرکٹر سچن ٹنڈولکر نے سماجی رابطے کی ویب سائٹ ٹویٹر پر بسمہ معروف اور ان کی بیٹی کے ساتھ بھارتی ویمن کرکٹرز کی تصویر شیئر کرتے ہوئے لکھا کہ یہ خوبصورت لمحہ ہے۔
سچن نے مزید لکھا کہ کرکٹ کے میدان میں باؤنڈریز ہوتی ہیں لیکن میدان سے باہر کھیل سب کو متحد کرتا ہے۔
What a lovely moment! Cricket has boundaries on the field, but it breaks them all off the field.
Sport unites!#CWC22 pic.twitter.com/isgALYeZe1
— Sachin Tendulkar (@sachin_rt) March 6, 2022
واضح رہے کہ گزشتہ روز ویمنز کرکٹ ورلڈ کپ میں پاک بھارت میچ کے درمیان بسمہ معروف اور ان کی بیٹی کی بھارت کی خواتین کرکٹرز کے ساتھ تصویر وائرل ہوئی تھی۔
مزید پڑھیں: پاکستانی کپتان بسمہ معروف’موسٹ ڈیڈیکیٹڈ مدر‘ قرار
بسمہ معروف کی بیٹی کی بھارتی ویمن ٹیم کے ساتھ تصویر کو سوشل میڈیا صارفین کی جانب سے بھی خوب سراہا گیا تھا۔
ممتا کے جذبہ محبت سے آئی سی سی بھی بہت متاثر ہواتھا اور اس نے اپنے آفیشل ٹوئٹر ہینڈل پر بسمہ کی ایک تصویر شیئر کی ہے جس میں وہ اپنی بیٹی کو گود میں اٹھائے اسٹیڈیم میں داخل ہوتی نظر آرہی ہیں۔
آئی سی سی نے تصویر کے کیپشن میں لکھا کہ ’’پاکستان کی کپتان ہندوستان کیخلاف میچ کے لیے تیار ہیں‘‘۔
