کراچی: تحریک انصاف کے رہنما صداقت عباسی کا کہنا ہے کہ مولانا کے تمام پلان فیل ہوچکے ہیں،آخری پلان ایف ہوگا، اپوزیشن کو اب اپنے فیس سیونگ کی ضرورت ہے۔
تفصیلات کے مطابق اے آروائی نیوز کے پروگرام باخبرسویرا میں بات چیت کرتے ہوئے پی ٹی آئی رہنما صداقت عباسی نے کہا کہ دھرنے میں لاکھوں افراد کو لانے کے دعوے کیے گئے، عوام کی جانب سے اس تحریک کو مسترد کر دیا گیا۔
تحریک انصاف کے رہنما نے کہا کہ مولانا کے تمام پلان فیل ہوچکے ہیں،آخری پلان ایف ہوگا، اپوزیشن کو اب اپنے فیس سیونگ کی ضرورت ہے۔ انہوں نے مزید کہا کہ نیب خود مختار ادارہ ہے، وہ کوئی بھی کیس اٹھا سکتے ہیں۔
دھرنے سے عام شہریوں کو تکلیف نہیں، حافظ حمد اللہ کا دعویٰ
یاد رہے کہ دو روز قبل جے یو آئی (ف) کے مرکزی رہنما حافظ حمد اللہ نے اے آروائی نیوز کے پروگرام باخبرسویرا میں بات چیت کرتے ہوئے کہا تھا کہ دھرنے سے عام شہریوں کو تکلیف نہیں ہو رہی، ہم شاہراہیں دن میں بند کرتے ہیں رات کو کھول دیتے ہیں۔
حافظ حمد اللہ کا کہنا تھا کہ جے یو آئی ف کا پلان بی آئندہ کے لائحہ عمل تک جاری رہے گا، پلان بی کے خاتمے کے بعد پلان سی ہوگا۔ انہوں نے کہا کہ ن لیگ اور پیپلزپارٹی پلان بی میں شامل نہیں ہیں۔
جے یو آئی (ف) کے مرکزی رہنما نے مزید کہا تھا کہ دھرنا کسی معاہدے کے تحت ختم نہیں کیا، معاہدہ یا مفاہمت ہوئی ہے تو پرویزالہیٰ خود بتا دیں۔
0
20
