The news is by your side.

Advertisement

کیا سعدیہ امام شوبز کو خیرباد کہہ رہی ہیں؟ اداکارہ نے حقیقت بتا دی

کراچی : معروف اداکارہ سعدیہ امام نے اداکاری سے کنارہ کشی کی خبروں کو افواہ قرار دیتے ہوئے بتایا کہ صرف کچھ وقت کیلئے وقفہ لیا تھا تاکہ اہلخانہ کو وقت دے سکوں۔

تفصیلات کے مطابق خوبصورت و نامور اداکارہ سعدیہ امام نے اداکاری سے کنارہ کشی کے معاملے پر خاموشی توڑ دی اور کہا ہے کہ میں نے شوبز چھوڑنے کا کبھی اعلان نہیں کیا میرے شوہر چاہتے ہیں میں شوبز میں کام کروں۔

سعدیہ امام کا ایک انٹرویو کے دوران کہنا تھا کہ میں نے کبھی اعلان نہیں کیا کہ میں شوبز سے کنارہ کشی اختیار کر رہی ہوں، اس طرح کی خبروں میں کوئی صداقت نہیں یہ محض افواہیں ہیں کیوں کہ میرے شوہر نے کبھی بھی شوبز میں کام کے حوالے سے اعتراضات نہیں کیے بلکہ وہ تو میرے سب سے بڑے حمایتی ہیں۔

اداکارہ کا کہنا تھا کہ میرا نیا ڈرامہ آنے والا ہے جس کی شوٹنگ جاری ہے تاہم شوٹنگ کی وجہ سے میرے شوہر اپنے کام سے وقفہ لے کر بیٹی کے لیے پاکستان آئے ہیں تاکہ میری بیٹی اکیلا پن محسوس نہ کرے اور والدین کے بعد شوہر ہی میرے سب سے بڑے حمایتی ہیں۔

سعدیہ امام کا مزید کہنا تھا کہ شادی کے بعد میں نے کچھ عرصے کے لیے شوبز سے وقفہ لیا تھا تاکہ اپنی فیملی کو پورا وقت دے سکوں لیکن فی الحال میرا شوبز سے ریٹائرمنٹ کا کوئی ارادہ نہی۔

واضح رہے کہ کچھ روز قبل سعدیہ امام سے منسوب افواہیں پھیلی ہوئی تھیں کہ انہوں نے اپنے شوہر کی خواہش پر اداکاری چھوڑنے کا فیصلہ کرلیا ہے۔

fb-share-icon0
Tweet 20

Comments

comments

یہ بھی پڑھیں