کراچی: پیپلزپارٹی کے سینئر رہنما سعید غنی نے کہا ہے کہ پی ٹی آئی 12مئی 2007 کے روز ایک تانگہ پارٹی تھی.
ان خیالات کا اظہار انھوں نے کراچی میں میڈیا سے گفتگو کرتے ہوئے کیا. ان کا کہنا تھا کہ 12مئی والے روز پی ٹی آئی کا کوئی کردار نہیں تھا، اس سانحے کے ذکر سے سب سےزیادہ تکلیف ایم کیوایم کوہوتی ہے.
[bs-quote quote=”مخالفین اوچھے ہتھکنڈے استعمال کریں گے، تو ہم بھی پیچھےنہیں ہٹیں گے، پی ٹی آئی اب ہمت کرکے اس گراؤنڈ میں جلسہ کرے” style=”style-2″ align=”left” author_name=”سعید غنی”][/bs-quote]
سعیدغنی نے کہا کہ 12مئی کو پیپلزپارٹی کےتقریبات کوسبوتاژکرنےکی کوشش کی گئی، ہمیں نقصان ہوا، کل بھی یہ تاثر دیا گیا، جیسے پیپلزپارٹی نے پی ٹی آئی کیمپ پرحملہ کیا، حالاں کہ پیپلزپارٹی کے 25 کارکنان زخمی ہوئے ہیں.
ان کا کہنا تھا کہ مخالفین اوچھے ہتھکنڈے استعمال کریں گے، تو ہم بھی پیچھےنہیں ہٹیں گے، پی ٹی آئی اب ہمت کرکے اس گراؤنڈ میں جلسہ کرے۔
پی پی رہنما نے دعویٰ کیا کہ اب پیپلزپارٹی جناح گراؤنڈ میں تین گنا بڑا جلسہ کرکے دکھائے گی، چیلنج ہے پی ٹی آئی، ایم کیوایم مل کر بھی جلسہ کریں، تو بھی پیچھے رہ جائیں گے.
سعیدغنی نے الزام لگایا کہ پی ٹی آئی نے زخمیوں کی جوتصاویرشیئرکیں، وہ پی پی کارکنان ہیں، علی زیدی کے پولیس گارڈز نےمتعدد فائر کئے، کل کے واقعےکی پوری طرح تحقیقات کرائی جائیں، پتا لگنا چاہیے کہ کون لوگ کراچی کےامن کوتباہ کرنا چاہتے ہیں.
بلاول بھٹو نے 12 مئی کے جلسے کا مقام تبدیل کردیا، پی ٹی آئی بھی موقف سے پیچھے ہٹ گئی
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
