وزیربلدیات سندھ سعید غنی کا خاتون اول کو عمران خان کو مزارقائد بھیجنے کا مشورہ
The news is by your side.

Advertisement

خاتونِ اول عمران خان کو مزارِقائد بھیجیں، سعید غنی کا مشورہ

کراچی : وزیربلدیات سندھ سعید غنی نے خاتون اول کو عمران خان کو مزارقائد بھیجنے کا مشورہ دے دیا اور کہا عمران خان کا مزار قائد پر نہ آنا اچھی بات نہیں۔

تفصیلات کے مطابق کراچی میں وزیربلدیات سندھ سعید غنی نے میڈیا سے گفتگو کرتے ہوئے کہا کہ عمران خان کا مزارقائد پر نہ آنا اچھی بات نہیں، اس موقع پر انہوں نے وفاقی وزیرِاطلاعات کی 55 روپے فی کلومیٹر والی بات پر بھی تنقید کی۔

رہنماپیپلزپارٹی کا کہنا تھا کہ گورنرسندھ کو کچھ دن سیاسی سرگرمیاں کرنے دیں، عمران اسماعیل کو گورنرہاؤس میں نہیں رہنا چاہئے یہ ان کی پارٹی کا فیصلہ تھا۔

انھوں نے کہا یہ بھی بتا دیا ہے کہ میئرکراچی کے کہنے پر بلدیاتی قوانین تبدیل نہیں ہوں گے، میئرکراچی کے نمائندے اسمبلی میں ہیں ترمیم لےآئیں۔

سعید غنی سندھ کا کہنا تھا پی ٹی آئی دوستوں سے بات کریں گے کہ پچپن کی جگہ 550روپے فی کلو میٹر لے لیں، سندھ بھر کا دورہ کرنا ہے، گاڑی سے جاؤں گا تو پیٹرول زیادہ خرچ ہوگا۔

گذشتہ روز وزیربلدیات سندھ سعید غنی نے کراچی میں غیر قانونی تعمیرات سے متعلق تفصیلات طلب کرلی تھی اور کہا تھا غفلت برتنے والے افسران و اہلکاروں کیخلاف سخت کارروائی ہوگی، چند ماہ کے دوران اداروں میں بہتری نظرآنے لگے گی۔

Comments

comments

یہ بھی پڑھیں