شوبز انڈسٹری کی معروف اداکارہ صحیفہ جبار خٹک شوبز شخصیات اور سوشل میڈیا انفلوئنسرز پر زندگی کی جھوٹی تصاویر دکھانے پر برہم ہوگئیں۔
معروف اداکارہ صحیفہ جبار نے ایک لمبی پوسٹ سے شوبز شخصیات اور سوشل میڈیا انفلوئنسرز کو شادی طلاق اور مکمل زندگی کی جھوٹی تصاویر دکھانے پر شدید برہمی کا اظہار کیا۔
صحیفہ جبار نے فوٹو اینڈ ویڈیو شیئرنگ ایپ انسٹاگرام پر ان تمام سوشل میڈیا انفلوئنسر اور مشہور شخصیات کو آڑے ہاتھوں لیتے ہوئے لکھا کہ،’ہم اپنے چاہنے والوں کو اپنی مکمل زندگی غلط تصویروں کے ساتھ کیوں پیش کر رہے ہیں؟
View this post on Instagram
صحیفہ جبار کا کہنا تھا کہ میری ان تمام مشہور شخصیات اور سوشل میڈیا انفلوئنسر جوڑوں سے گزارش ہے کہ کیمرے کے سامنے بیٹھیں اور کم از کم اپنے دیکھنے والوں کو یہ بتائیں کہ ہمارے والدین نے ہمیں کیا نہیں سکھایا؟۔
صحیفہ جبار نے پر آسائش زندگی کے پیچھے محنت کا ہاتھ ہونے کو بیان کرنے پر زور دیتے ہوئے مزید کہا کہ،’جب آپ اپنی شادی، برائیڈل شاورز، بیبی شاورز، ہنی مون، چھٹیوں کا اعلان کرنے کا انتخاب کرتے ہیں، تو براہ کرم اپنے مداحوں کے ساتھ اس بات کا بھی اعتراف کریں کہ جو کچھ آپ نے اب تک ایک جوڑے کے طور پر یا انفرادی طور پر حاصل کیا ہے وہ سب اتنا آسان نہیں ہے۔
انہوں نے مزید لکھا کہ مجھے اس سے نفرت ہے جب کوئی مشہور شخصیت یا سوشل میڈیا اسٹار جوڑا اپنے کٹھن لمحات پر بحث کیے بغیر اپنے سامعین کے سامنے صرف اپنے خوشگوار اور پھلنے پھولنے والے پہلو کو پیش کرتا ہے۔
صحیفہ جبار کا مزید کہنا تھا کہ جس قدر طلاق ایک عام سی بات ہوتی جا رہی ہے، آئیے اس کی بنیادی وجہ پر بھی بات کرتے ہیں میرا پختہ یقین ہے کہ رشتے میں کسی کو اپنے خوابوں، عزائم، اہداف، عزت نفس، یا ذہنی صحت پر کبھی سمجھوتہ نہیں کرنا چاہیے۔
