کراچی: پاکستان تحریک انصاف کی سابق رکن قومی اسمبلی صائمہ ندیم بھی پارٹی چھوڑنے کا اعلان کردیا ہے۔
اے آر وائی نیوز کے مطابق پی ٹی آئی کی رہنما صائمہ ندیم نے بھی پارٹی کو خیرباد کہہ دیا ہے، گزشتہ روز انہیں طیارے سے آف لوڈ کردیا گیا تھا۔
انہوں نے کہا کہ نو مئی کے واقعات پر افسوس ہے اور یہ واقعات قابل مذمت ہیں، میں کبھی بھی اپنی افواج کے بارے میں غلط بات نہیں سن سکتی۔
- Advertisement -
واضح رہے کہ گزشتہ روز صائمہ ندیم غیرملکی ایئرلائن کی پرواز ای کے503 سے کینیڈا کے شہر ٹورنٹو جارہی تھیں،صائمہ ندیم کو پرواز ٹیک آف ہونے تک آگے نہ جانے دیا گیا،صائمہ ندیم کو پرواز روانگی کے بعد پولیس اپنے ساتھ لے گئی تھی۔
ذرائع کا بتانا تھا کہ سکیورٹی اداروں کے پاس فرار میں کوشاں پی ٹی آئی قیادت کی فہرست موجود ہے۔
