اسلام آباد : وزیر مملکت سائرہ افضل تارڑ کا کہنا ہے رنگ گورا کرنے والی بلیچ کریمزجلدی امراض کا موجب ہیں، مضر صحت کریموں کے خلاف صوبائی حکومتیں نظام وضع کریں۔
تفصیلات کے مطابق قومی اسمبلی میں رنگ گورا کرنے والی کریموں کیخلاف ایکشن کا مطالبہ کیا گیا ، وزیر مملکت سائرہ افضل تارڑ نے اپنے تحریری بیان میں کہا کہ رنگ گورا کرنے والی بلیچنگ کریمیں جلد کی خطرناک بیماریوں کا موجب بن رہی ہیں، تمام صوبائی حکومتوں کو ڈرگ ایکٹ کے تحت قوائد واضح کر دیئے ہیں۔
گورا رنگ اور بلیچ کریموں کی فروخت پر پابندی کا مطالبہ
سائرہ افضل تارڑ نے بتایا کہ صوبائی حکومتیں بلیچنگ کریموں کی فروخت کی نگرانی اور ضروری اقدامات کریں ، بیوٹی کریموں میں زہریلے اجزاء کی موجودگی کے جانچ کے لیے نمونے ڈرگ ٹیسٹنگ لیبارٹری بجھوائے جائینگے۔
- Advertisement -
دوسری جانب سندھ اسمبلی کی اراکین کا کہنا تھا کہ گورا رنگ اور بلیچ کریموں کی فروخت پر پابندی لگنی چاہئیے ۔
