ممبئی: بھارتی فلم انڈسٹری کی سینئر اداکارہ سائرہ بانو اپنے شوہر دلیپ کمار کا ایوارڈ وصول کرتے ہوئے آبدیدہ ہوگئیں۔
بھارتی میڈیا کے مطابق لیجنڈری اداکار یوسف خان المعروف دلیپ کمار کو ”بھارت رتن ڈاکٹر امبیڈکر ایوارڈ“ سے نوازا گیا۔ ایوارڈ وصول کرنے کے لیے مرحوم اداکار کی اہلیہ کو مدعو کیا گیا۔
مزید پڑھیں: دلیپ کمار نے کون سا پاکستانی ڈرامہ دیکھا تھا؟
فوٹو اینڈ ویڈیو شیئرنگ ایپلی کیشن انسٹا گرام پر پوسٹ کی گئی ویڈیو میں دیکھا جا سکتا ہے کہ سائرہ بانو دلیپ کمار کے نام کا ایوارڈ وصول کر رہی ہیں۔ میزبان نے جب دلیپ کمار کا نام لیا تو وہ رو پڑیں۔
View this post on Instagram
گزشتہ سال جولائی میں دلیپ کمار 98 سال کی عمر میں طویل علالت کے بعد انتقال کر گئے تھے۔ اداکار کی وفات کی خبر پر بھارت سمیت دنیا بھر میں موجود ان کے مداح غم زدہ ہوگئے تھے۔
دلیپ کمار نے فلم انڈسٹری میں شہریت کی بلندیوں تک پہنچے۔ وہ 1922 میں پاکستان کے شہر پشاور میں پیدا ہوئے اور قیام پاکستان کے بعد اپنے اہل خانہ کے ساتھ 1935 میں ممبئی منتقل ہوئے تھے۔
انہوں نے بھارتی فلم انڈسٹری پر ایک طویل عرصے تک راج کیا۔ دلیپ کمار کی مشہور فلموں میں دیوداس، مغل اعظم، نیا دور اور دیگر شاہکار فلمیں شامل ہیں۔ لیجنڈ اداکار بالی وڈ میں ”شہنشاہ جذبات“ کے لقب سے مشہور تھے۔
