سوشل میڈیا پر دعویٰ کیا جا رہا ہے کہ سجل علی اور احد رضا میر کے درمیان طلاق کی خبریں سن کر ان کی مداح صدمے سے چل بسی ہے۔
فوٹو اینڈ ویڈیو شیئرنگ ایپلی کیشن انسٹا گرام پر سجل علی احد رضا میز کے فین اکاؤنٹ سے ایک نوٹ پوسٹ کیا گیا ہے جس نے سب کی توجہ حاصل کرلی ہے۔
نوٹ پر لکھا گیا ہے کہ ”میری پیاری دوست سارہ کا آج صبح انتقال ہوگیا، سجل علی اور احد رضا میر ہی اس کے زندہ رہنے اور خوشی کا واحد ذریعہ تھے، سارہ پسندیدہ فنکاروں کے درمیان طلاق کی خبروں کو برداشت نہیں کر سکی۔“
اس میں مزید کہا گیا کہ میں ہمیشہ اس افسوس کے ساتھ زندہ رہوں گا کہ میں نے سارہ کے پیغامات سجل علی اور احد رضا میر تک نہیں پہنچائے۔
View this post on Instagram
پوسٹ کے کیپشن میں لکھا گیا کہ میں یقین نہیں کر سکتا کہ وہ انتقال کر گئی، میرے ہاتھ کانپ رہے تھے جب اس کے اہل خانہ نے مجھے چند منٹ پہلے اطلاع دی، سارہ کی آواز سجل علی اور احد رضا میر تک نہ پہنچانے کا جرم مجھے سکون سے جینے نہیں دے گا۔
