The news is by your side.

Advertisement

رکن یورپی پارلیمنٹ نے شاہ محمود اور فیڈریکا کی ملاقات کو خوش آئند قرار دے دیا

لندن: پاکستانی نژاد رکن یورپی پارلیمنٹ ڈاکٹرسجاد حیدر کریم نے شاہ محمود قریشی اور یورپی یونین کی وزارت خارجہ امور کی سربراہ فیڈریکا موگرینی کی ملاقات کوخوش آئند قرار دے دیا۔

تفصیلات کے مطابق اپنے ایک بیان میں رکن یورپی پارلیمنٹ کا کہنا تھا کہ مستقبل کے لئے یہ ملاقات بڑی اہمیت کی حامل ہے جس سے پاکستان اور یورپی یونین کے درمیان تعلقات میں مزید مضبوطی پیدا ہوگی۔

ان کا مزید کہنا تھا کہ دوطرفہ تعلقات مزید خوشگوار ہونے سے معیشت اور دیگر شعبوں میں ترقیاتی امور زیرغور آسکتے ہیں، فیڈریکا دورہ پاکستان خوش آئند ہے۔

خیال رہے کہ گذشتہ روز وزیر خارجہ شاہ محمود قریشی اور یورپی یونین کی خارجہ امور کی سربراہ فیڈریکا موگرینی کے درمیان ملاقات ہوئی جس میں پاکستان اور یورپی یونین میں نئے اسٹریٹجک تعلقات کا معاہدہ طے پایا۔

اس موقع پر وزیر خارجہ کا کہنا تھا کہ یورپی یونین سے نئے اسٹریٹجک تعلقات کا معاہدہ طے پا گیا، یورپی یونین اور تحریک انصاف حکومت کی پالیسیوں میں مماثلت ہے۔ ملاقات میں انتہائی مثبت اور مفید بات چیت ہوئی۔

پاکستان اور یورپی یونین میں نئے اسٹریٹجک تعلقات کا معاہدہ طے پاگیا

دریں اثنا یورپی یونین کی خارجہ امور کی سربراہ فیڈریکا موگرینی کا کہنا تھا کہ پاکستان سے مختلف شعبوں میں تعاون پر اتفاق ہوا، پاکستان میں انسانی حقوق اور خواتین کے حقوق سے متعلق بات ہوئی۔

Comments

comments

یہ بھی پڑھیں