کراچی : ساکنان شہر قائد کا 28 واں عظیم الشان عالمی مشاعرہ ایکسپو سینٹر کراچی میں منعقد ہوا، گورنرسندھ کامران خان ٹیسوری نے بطور مہمان خصوصی شرکت کی۔
کراچی میں ہرسال منعقد ہونے والے ساکنان شہرقائد کے زیراہتمام عالمی مشاعرے میں ملکی وبین الاقوامی شعراء کی بڑی تعداد شریک تھی۔
اس موقع پر امریکا، کینیڈا،برطانیہ، یواے ای اورجرمنی سمیت دیگر ملکوں کے شعراء کرام نے اپنا کلام پیش کیا اور حاضرین سے خوب داد سمیٹی۔
بھارت سے خصوصی طور پر شاعرہ علینہ عترت اورحسن کاظمی بھی مشاعرے کا حصہ ہیں، عالمی مشاعرے میں شہریوں کا داخلہ مفت رکھا گیا ہے۔
دیگر مہمانان گرامی کے علاوہ ایم کیوایم پاکستان کے کنوینئر رہنما ڈاکٹر خالد مقبول صدیقی، عامر خان، ڈاکٹر فاروق ستار، پیپلزپارٹی کے رہنما وقارمہدی، رہنما مسلم لیگ ن نہال ہاشمی، اور کمشنرکراچی اقبال میمن بھی موجود تھے۔
عالمی مشاعرے میں ملک بھر سے شرکت کرنے والے شعراء میں افتخار عارف ، خورشید رضوی ، عطاءالحق قاسمی ، عباس تابش ،تشکیل جاذب، حمیدہ شاہین ، شوکت نہی ، رحمان فارس ، وصی شاہ ، اتباف ابرک، ریاض ندیم نیازی، پروفیسر غلام مصطفیٰ تبسم ، عمار اقبال ، پروفیسر سحر انصاری ، انور شعور و دیگر شامل ہیں۔
