بھارتی فلم انڈسٹری کے معروف اداکار سلمان خان ایک قابل احترام بیٹے کے طور پر جانے جاتے ہیں اور ان کے مطابق وہ اب بھی اپنے والد سے پاکٹ منی مانگتے ہیں۔
با عزت باپ بیٹا ہونے کے باوجود کیا آپ جانتے ہیں کہ سلیم خان نے ایک بار اپنے مہمانوں کے سامنے سلمان خان کی توہین کی تھی؟ انہوں نے مہمانوں کے سامنے سلمان کو ڈانٹتے ہوئے کہا تھا کہ باڈی بنانے سے اداکار نہیں بن جاتے۔
معروف اداکار ادی ایرانی نے ایک انٹرویو میں انکشاف کیا کہ میں سلمان کو اس وقت سے جانتا تھا جب وہ فلموں میں بھی نہیں تھے، میری سابقہ گرل فرینڈ مجھے سلیم خان کے گھر لے جاتی تھی، وہ ان کی اچھی دوست تھی۔
انہوں نے انکشاف کیا کہ ہم اکثر وہاں کھانا بھی کھایا کرتے تھے، میں سوچتی تھی کہ سلمان خان کے ساتھ ایسا سلوک کوئی کیسے کرسکتا ہے؟ کوئی اپنے بیٹے کے ساتھ ایسا کیسے کر سکتا ہے؟
سلمان بھی اپنے والد کے رویے سے مایوس ہو جاتے تھے۔
ایرانی نے مزید کہا، سلمان سوچتا تھا اور یہاں تک کہتا تھا کہ (میرے والد میری مدد کرنے کے بجائے ایسا کیوں کر رہے ہیں؟) میری گرل فرینڈ نے کہا کہ یہ نفسیات ہے، وہ یہ سب کچھ اسی کی بھلائی کے لئے کررہے ہیں۔
سلمان خان کو جان سے مارنے کی دھمکی کے دوران ‘سکندر’ کی شوٹنگ کس طرح ہوئی؟
کام کے محاذ پر، دبنگ خان اپنی آنے والی نئی فلم سکندر میں نظر آئیں گے، اس میں ان کے ہمراہ رشمیکا مندنا، کاجل اگروال، اور ستیہ راج مرکزی کرداروں میں شامل ہیں۔
فلم سکندر کے حوالے سے ابھی سے پیش گوئیاں کی جارہی ہیں کہ کی یہ بھی ریکارڈ توڑ بزنس کرے گی، جبکہ فلم 30 مارچ کو سینیما گھروں کی زینت بنے گی۔
