قومی ٹی ٹوئنٹی ٹیم کے کپتان سلمان علی آغا نے نیوزی لینڈ کے خلاف چوتھے میچ میں بدترین شکست کا جواز پیش کر دی۔
ہدف کے تعاقب میں قومی ٹیم کے بیٹرز کی ناکامی کو گیند زیادہ سوئنگ ہونے کی وجہ قرار دے دیا۔
میچ کے بعد گفتگو کرتے ہوئے انہوں نے کہا کہ دوسری اننگز میں گیند زیادہ سوئنگ ہو رہی تھی اس لیے ہدف کا تعاقب نہیں کر سکے۔
چوتھا ٹی 20 میچ: نیوزی لینڈ نے پاکستان کو 115 رنز سے ہرا دیا
کپتان نے میزبان ٹیم کی تعریف کرتے ہوئے کہا کہ نیوزی لینڈ نےبہت اچھا کھیلا، انہوں نے واقعی اچھی بولنگ کی اور ہمیں پوری طرح سے پیچھے چھوڑ دیا۔ کریڈٹ انہیں جاتا ہے۔
ان کا کہنا تھا کہ گیند سوئنگ اور ٹرن کر رہی تھی جس سے دوسری اننگز میں مشکل ہو رہی تھی لیکن بین الاقوامی کرکٹرز کے طور پر ہمیں خود بہتر کرنے کی ضرورت ہے بہت زیادہ سوئنگ کے ساتھ یہ چیلنج تھا لیکن ہمیں دوبارہ منظم ہونے کی ضرورت ہے کوشش کریں گے اچھا پرفارم کر کےآخری میچ جیتیں۔
ماؤنٹ مونگانوئی میں کھیلے گئے چوتھے میچ میں پاکستان ٹیم کی بولنگ اور بیٹنگ دونوں ناکام رہے۔ نیوزی لینڈ کی جانب سے جیت کے لیے دیے گئے 221 رنز کے ہدف کے تعاقب میں قومی ٹیم 16.2 اوورز میں صرف 105 رنز پر ڈھیر ہو گئی۔
