سپراسٹار سلمان خان اپنی پسلی زخمی کروابیٹھے ہیں جس کے بعد ان کی بگ باس 18 کی میزبانی کے حوالے سے بھی غیریقینی چھاگئی ہے۔
بالی ووڈ کے بھائی جان سلمان خان کی اچانک خرابی صحت کی وجہ ان کے مداحوں میں تشویش کی لہر دوڑ گئی ہے، دبنگ خان نے گزشتہ دنوں ممبئی میں منعقدہ ایک چلڈرنس ایونٹ ”بچے بولے موریہ ایونٹ” میں شرکت کی تاہم وہاں سے سامنے آنی والی تصاویر میں اپنی پسلی پکڑے نظر آئے۔
مذکورہ پروگرام مہاراشٹرا کے ڈپٹی چیف منسٹر دیویندر فڈنویس کی بیوی امروتا فڈنویس نے آرگنائز کیا تھا، سلمان بھی وہاں موجود تھے تاہم جب وہ صوفہ سے اُٹھنے لگے تو انھیں نہ صرف دشواری پیش آئی بلکہ ان کا ہاتھ پسلی کی طرف بھی چلا گیا۔
رپورٹس کے مطابق سلمان صحت خراب ہونے کے باجود تقریب میں اس لیے موجود تھے کہ وہ یہاں آنے کے لیے زبان دے چکے تھے، تاہم اب اکتوبر میں بگ باس کے نئے سیزن میں سلمان میزبانی کرتے ہیں یا نہیں وہ ان کی صحت پر منحصر ہے۔
بالی ووڈ اسٹار سلمان خان ڈائریکٹر اے آر مرگاداس کی فلم ”سکندر‘‘ کی شوٹنگ میں زور و شور سےمصروف جس کی وجہ سے انھوں نے حالیہ بگ باس سیزن سے بھی بریک لے لیا تھا۔
فلم ’سکندر‘ کے ایک ایکشن سیکوینس کے دوران ان کے پسلیوں پر زبردست چوٹ لگی ہے جس کی وجہ سے فی الحال انھوں نے سکندر کی شوٹنگ بھی روک دی ہے
کہا جارہا ہے کہ عید کے موقع پر ریلیز ہونے والی اس فلم میں تاخیر بھی ہو سکتی ہے یہی نہیں بگ باس 18 جس کا پریمیر اکتوبر میں ہونا ہے، سلمان خان کی اس سیزن میں میزبانی بھی غیر یقینی دکھائی دیتی ہے۔
