ممبئی: جان کو لاحق خطرے کے باعث پولیس نے بالی وڈ کے سُپر اسٹار سلمان خان کی سکیورٹی مزید سخت کر دی۔
بھارتی میڈیا کی رپورٹس کے مطابق ممبئی پولیس نے سلمان خان کو وائی پلس سکیورٹی فراہم کر دی جس کے تحت 39 پولیس اہلکار 2 سے 4 کمانڈوز کے ہمراہ ہر وقت اداکار کی سکیورٹی پر مامور ہوں گے۔
پولیس کا کہنا ہے کہ مہاراشٹرا حکومت کی جانب سے یہ اقدام سلمان خان کو لارنس بشنوئی کی طرف سے ملنے والی دھمکیوں کے سبب اٹھایا گیا ہے۔
مزید پڑھیں: سلمان خان پر قاتلانہ حملے کی کوشش کا انکشاف
Maharashtra | Mumbai police to provide Y+ security cover to actor Salman Khan. The step has been taken by the state govt after the actor received a threat letter from Lawrence Bishnoi gang earlier: Maharashtra Police
(File Pic) pic.twitter.com/0CjJuE3Zqm
— ANI (@ANI) November 1, 2022
لارنس بشنوئی آنجہانی پنجابی گلوکار سدھو موسے والا کا قاتل ہے جو اس وقت جیل میں ہے۔ لارنس بشنوئی گروہ نے سلمان خان کو بھی جان سے مارنے کی دھمکی دے رکھی ہے۔
کچھ روز قبل مجرم نے پولیس کو بیان قلم بند کروایا تھا جس میں اس کا کہنا تھا کہ: ’میں اور میری برادری سلمان خان کو کالا ہرن کیس میں کبھی معاف نہیں کریں گے۔ اپنے فیصلے پر تب ہی نظرِ ثانی کریں گے جب سلمان خان عوام سے سرِ عام معافی مانگیں گے‘۔
لارنس بشنوئی نے سلمان خان کو 2018 میں قتل کرنے کے لیے چار لاکھ روپے کی رائفل خریدی تھی۔
