بھارتی فلم انڈسٹری کے معروف اداکار سلمان خان نے حال ہی میں ایک پوڈ کاسٹ کے دوران اپنے بھائی ارباز خان اور ماڈل اداکار ملائکہ اروڑہ کے بیٹے ارہان اور اس کے دوستوں کو ہندی میں بات نہ کرنے پر ڈانٹ دیا۔
بھارتی میڈیا رپورٹس کے مطابق سلمان خان نے جب دیکھا کہ وہ انگریزی میں گفتگو کرنے میں مصروف ہیں اور ہندی میں بات کرنے میں انہیں پریشانی پیش آرہی ہے تو اداکار نے انہیں ٹوکتے ہوئے کہا، ”پہلے تو آپ سب ہندی میں پوڈکاسٹ کرو”، جس پر ارہان نے کہا، ”ان سب کو ٹھیک سے ہندی بولنا نہیں آتا”۔
سلمان نے یہ بات سن کر ڈانٹتے ہوئے کہا کہ، ”آپ کو شرم آنی چاہیئے کہ آپ کو ہندی نہیں آتی”۔
پھر سلو بھائی نے سمجھانے والا انداز اپنایا۔۔ اور کہا کہ اگر وہ لوگ سامعین کی ایک بڑی تعداد کو متوجہ کرنا چاہتے ہیں تو ان کی زبان میں بات کرنا ضروری ہے، جو ہندی سمجھتے ہیں۔ کیونکہ انگریزی ہر کسی کو نہیں آتی۔
پھر سوالیہ طنز کرتے ہوئے کہا، لیکن آپ تو یہ اپنے لیئے کر رہے ہیں ناں؟ کسی کو دکھانے کے لئے تو نہیں کررہے؟
ماورا حسین کو رخصتی کے وقت فرحان سعید نے رلا دیا، ویڈیووائرل
جب ارہان اور اس کے دوست ہچکچانے لگے تو، خان نے پوچھا، کیا آپ اس (پوڈ کاسٹ) سے پیسہ کمائیں گے؟ پھر خود ہی مسکرا کر بات کو دوسری طرف گھما دیا۔
