The news is by your side.

Advertisement

میڈیا کو اپنی حد میں رہنا چاہیے،سلمان خان

ممبئی : بالی ووڈ سُپر اسٹار دبنگ خان کا کہنا ہے کہ میڈیا کو اپنی حد میں رہنا چاہیے.

تفصیلات کے مطابق لاکھوں دلوں پر راج کرنے والے دبنگ خان کی رومانوی حسینہ لولیا وینچر کے ساتھ شادی کی افواہیں میڈیامیں گردش کررہی ہیں اور ہر کوئی جاننا چاہتا ہے کہ بالی ووڈ اسٹار کب شادی کریں گے.

بالی ووڈ اداکار سلمان خان کا میڈیا سے بات چیت کرتے ہوئے کہنا تھا کہ ان کے بھائی سہیل خان نے کچھ غلط نہیں کیا،میڈیا کے لوگوں نے انہیں روکنے کی کوشش کی جب اداکار کے بھائی اور ان کے والد کھانا کھانے کے بعد ریسٹورانٹ سے نکل رہے تھے

بالی ووڈ اسٹار کاکہنا تھا کہ میڈیا کے لوگوں نے جب اُن کے والد سے اُن کی شادی کے متعلق پوچھا تو انہوں نے سوال ٹھیک سے سنا بھی نہیں تھا.

اداکار کا کہنا تھا کہ سہیل خان اپنے والد کے لیے پریشان تھے،جب میڈیا نے ان کے والد کو روکنے کی کوشش کی تو ان کو چھوٹ بھی لگ سکتی تھی اور یہی وجہ تھی کہ سہیل نے غصے کا اظہار کیا اس میں کوئی غلط بات نہیں ہے.

دبنگ خان کا کہنا تھا کہ جب فمیلی،دوستوں یا قریبی لوگوں کی بات ہوتو میڈیا کو اپنی حد پار نہیں کرنی چاہیے.

یادرہے اس سے قبل گذشتہ دنوں بالی ووڈ اداکار سلمان خان کا کہنا تھا کہ وہ جب شادی کریں گے تو ٹویٹ کریں گے.

واضح رہے کہ گذشتہ دنوں معروف بھارتی اخبار کی جانب سے بتایا گیا تھا کہ سلمان خان نے لولیا سے سال2016 میں شادی کرنے کا فیصلہ کیا ہے اور یہ فیصلہ دبنگ خان نے اپنی والدہ کی خوائش کا احترام کرتے ہوئے کیا ہے.

Comments

comments

یہ بھی پڑھیں