معروف بھارتی یوٹیوبر سمے رائنا نے اپنے یوٹیوب شو ’انڈیاز گاٹ لیٹنٹ‘ میں ہونے والے تنازع پر تمام ویڈیوز ڈیلیٹ کردیں۔
سوشل میڈیا پر اُس وقت ہنگامہ برپا ہوا جب الہ بادیہ نے والدین سے متعلق ایک توہین آمیز سوال کیا، اس سوال کے بعد سے یوٹیوبر کو شدید تنقید کا سامنا کرنا پڑ رہا تھا جس کے بعد انہوں نے اپنے کیے پر معافی مانگی۔
بیئر بائیسپس کے متنازع سوال پر نہ صرف سامعین بلکہ شریک ججز سمے رینا، آشیش چنچلانی اور اپوروا مکھیجا بھی حیران رہ گئے تھے۔ سمے رینا نے فوراً ردعمل دیتے ہوئے کہا تھا، ’یہ کیا بکواس ہے؟‘
ویڈیو سوشل میڈیا پر وائرل ہونے کے بعد رنویر الہ آبادیا اور سمے رائنا سمیت دیگر یوٹیوبرز اور سوشل میڈیا کانٹینٹ کریئیٹرز کو ’فحش‘ زبان استعمال کرنے پر قانونی کارروائی کا سامنا کرنا پڑا۔
تاہم اب اب مذکورہ پروگرام کے پروڈیوسر سمے رائنا نے انسٹاگرام پر ایک اسٹوری شیئر کی ہے جس میں انہوں نے بتایا کہ انہوں نے پروگرام کی تمام ویڈیوز ڈیلیٹ کردیں۔
سمے رائنا کا کہنا تھا کہ ’انڈیاز گاٹ لیٹنٹ‘ میں تفریحی مواد تیار کرنے کا مقصد صرف لوگوں کو ہنسانا تھا، دل آزاری کرنا میرا مقصد نہیں تھا، اس لیے اب میں تمام ویڈیوز کو ڈیلیٹ کررہا ہوں۔
واضح رہے کہ انڈیاز گاٹ لیٹنٹ کی مجموعی طور پر 14 ویڈیوز جاری کی گئی تھیں، جنہیں لاکھوں بار دیکھا گیا تھا لیکن اب تمام ویڈیوز کو یوٹیوب سے ہٹا دیا گیا۔
یوٹیوب پر ’انڈیاز گاٹ لیٹنٹ‘ کی ویڈیوز کو سرچ کرتے وقت پیغام نظر آ رہا ہے کہ مذکورہ ویڈیوز دستیاب نہیں۔
