سموسے پکوڑے اور دیگر چٹ پٹی اشیاء ہمارے معاشرے میں بہت ذوق و شوق سے کھائی جاتی ہیں اور ان چیزوں کی خریدو فروخت بھی ہر موسم میں جاری رہتی ہے۔
مختلف چیزوں یا پروڈکٹس کی شناخت کے لیے سیریل نمبر نہایت ہی اہم ہوتے ہیں، کیا آپ نے کبھی سوچا ہوگا کہ ان چیزوں کو بھی نمبر لگا کر فروخت کیا جائے گا ؟
جی ہاں ! اب سموسوں پر بھی سیریل نمبرز لگا کر انہیں فروخت کیا جارہا ہے، جس کی تصویر سوشل میڈیا پر خوب وائرل ہورہی ہے۔
Samosas I ordered had serial numbers 🙄 Can tech pls stay away from my halwai. pic.twitter.com/DKo1duIiC9
— Nitin Misra (@nitinmisra) September 1, 2021
ایسا ہی کچھ شمالی بھارت کے شہر گڑ گاؤں کے رہائشی نتیش مشرا کے ساتھ ہوا، ان کی جانب سیریل نمبر والے سموسوں پر لگایا گیا پوسٹ اب آن لائن کافی وائرل ہوا ہے۔
ان کا کہنا ہے کہ انہوں نے سموسے منگوانے کے لیے آرڈر کیا جب سموسے آئے تو ان پر سیریل نمبر لگے ہوئے تھے۔ نتیش مشرا کی اس پوسٹ سے انٹرنیٹ صارفین خوب محظوظ ہوئے اور دلچسپ تبصرے کیے۔
سماجی رابطے کی ویب سائٹ ٹوئٹر پر کی گئی ایک پوسٹ کو 9 لاکھ سے زیادہ لائیکس اور سیکڑوں ریٹویٹس اور تبصرے موصول ہوئے ہیں۔
تصاویر میں ہم دیکھ سکتے ہیں کہ دو سموسے شانہ بشانہ رکھے گئے ہیں اور چار حروف تہجی کا سیریل نمبر دونوں کے نچلے حصے پر ابھرا ہوا ہے۔
ٹوئٹر صارف نے اپنی مزاحیہ پوسٹ میں لکھا ہے کہ سموسے پیش کرنے کے نئے انداز نے ٹویٹر صارفین کی توجہ اپنی طرف مبذول کرائی ہے، جس میں ہم ٹیکنالوجی سے چلنے والی دنیا کی طرف اشارہ کرتے ہیں۔
