پاکستانی شوبز و فلم اداکارہ ثناء جاوید اور شوہر گلوکار عمیر جسوال متحدہ عرب امارات کے گولڈن ویزا ہولڈر بن گئے۔
عرب خبر رساں ادارے کی رپورٹ کے مطابق متحدہ عرب امارات کی جانب سے اداکارہ ثناء جاوید اور گلوکار عمیر جسوال کو گولڈن ویزا دیا گیا ہے جس پر دونوں شوبز شخصیات نے مسرت کا اظہار کیا ہے۔
اداکارہ ثناء جاوید نے اماراتی خبر رساں ادارے کا اسکرین شاٹ شیئر کرتے ہوئے مداحوں کو گولڈن کارڈ ملنے سے متعلق آگاہ کیا۔
اداکارہ نے اماراتی میڈیا کو انٹرویو دیتے ہوئے اماراتی حکام کا شکریہ ادا کیا اور گولڈن ویزہ ملنے کو اپنے لیے اعزاز قرار دیا۔
خیال رہے کہ گولڈن ریزیڈینسی ویزہ یا گولڈ کارڈ کے حامل افراد 5 سے 10 سال تک بغیر نیشنل اسپانسر متحدہ عرب امارات میں رہائش اختیار کرسکتے ہیں تاہم اس کے لیے کچھ شرائط و ضوابط لاگو ہوتی ہیں جس پر پورا اترنے والوں کی مدت معیاد کی ازخود تجدید کردی جاتی ہے۔