قومی ویمن ٹیم کی سابق کپتان و کمنٹیٹر ثنا میر نے پی سی بی مینجمنٹ کمیٹی میں کام کرنے سے معذرت کرلی۔
قومی ویمن ٹیم کی سابق کپتان ثنا میر نے سماجی رابطے کی ویب سائٹ پر لکھا کہ میں فی الحال کمنٹری اور فیکا میں اپنی خدمات رکھنا چاہتی ہوں۔
انہوں نے لکھا کہ کمیٹی میں نام آنے پر میں پی سی بی کی شکر گزار ہوں۔
سابق کپتان نے مزید کہا کہ ’پی سی بی مینجمنٹ کمیٹی کے لیے میری نیک خواہشات ہیں۔
It is very humbling to be named in the PCB mgmt com🙏🏼.I would like to express my gratitude to all decision makers & everyone around the world who congratulated me.For now,I’ll not be able to participate as I look fwd to contribute through my independent voice in FICA & thru comm.
— Sana Mir ثناء میر (@mir_sana05) December 23, 2022
واضح رہے کہ وزیراعظم شہباز شریف نے دو روز قبل پی سی بی کےمعاملات چلانےکیلئےکمیٹی تشکیل دی تھی جس کا نوٹیفکیشن بھی جاری کیا گیا تھا۔
نوٹیفکیشن کے مطابق پی سی بی کی 14 رکنی کمیٹی چار ماہ تک کرکٹ بورڈ کے تمام معاملات دیکھے گی۔وزیراعظم نے دو ہزار چودہ کےآئین کی بحالی سےمتعلق مسائل بھی کمیٹی کےسپرد کردئیے گئے تھے۔
وزیراعظم ہاؤس کی جانب سے جاری نوٹی فیکیشن کے مطابق کمیٹی کے سربراہ نجم سیٹھی ہونگے، کمیٹی میں شکیل شیخ، گل زادہ، نعمان بٹ، ہارون رشید، ثنامیر، تنویر احمد، گل محمد کاکڑ اور ایاز بٹ شامل ہیں۔
کمیٹی میں شاہد خان آفریدی، شفقت رانا، مصطفیٰ رمدے اور چوہدری عارف سعید کو بھی شامل کیا گیا۔