دین کی خاطر شوبز انڈسٹری کو خیرباد کہہ دینے والی سابق اداکارہ صنم چوہدری نے عید الفطر پر ایک خوبصورت ویڈیو پیغام جاری کیا ہے۔
فوٹو اینڈ ویڈیو شیئرنگ ایپلی کیشن انسٹا گرام پر صنم چوہدری نے اپنے ویڈیو پیغام میں عید الفطر کی اہمیت کو اجاگر کیا۔ انہوں نے کہا کہ عید کا دن ایک ساتھ جمع ہونے کا ہوتا ہے۔
صنم چوہدری نے کہا کہ اگر اہم نے رمضان میں ایمان کے ساتھ اپنا احتساب کیا اور تقویٰ میں گزارا تو ہم عید اصل روح کے مطابق منا پائیں گے۔
انہوں نے کہا کہ ہم رمضان میں سچے دل سے توبہ کی، روزے رکھے، عید کا دن اللہ کی طرف سے انعام ہے، اللہ سے دعا ہے اس رمضان میں نے اللہ سے جو وعدے کیے اس پر ثابت قدم رہوں۔
صنم چوہدری نے اپنے چاہنے والوں کی عید الفطر کی مبارکباد بھی دی۔
View this post on Instagram
ویڈیو کے کیپشن میں صنم چوہدری نے لکھا کہ امت مسلمہ کو عید مبارک ہو، میں کبھی نہیں جانتی تھی کہ عید اللہ کی طرف سے تحفہ ہوتا ہے، میں اسے اکثر محض دکھاوے کے لیے مناتی تھی، لیکن اب اللہ کا شکر ہے کہ میں اس کی اہمیت سمجھ چکی ہوں۔
خیال رہے کہ سال 2021 میں صنم چوہدری نے اسلام کی خاطر شوبز کو خیرباد کہہ دینے کا اعلان کیا تھا۔ انہوں نے اپنے سوشل اکاؤنٹس سے تمام تصاویر ڈیلیٹ کر دی تھیں۔
بعد ازاں صنم چوہدری نے ایسا کرنے کی وجہ بتاتے ہوئے ایک ویڈیو میں کہا تھا کہ میں جو مانگتی تھی وہ اللہ مجھے دے دیتا تھا، مجھے شادی کرنی تھی، اللہ تعالیٰ نے کروا دی، اولاد عطا کی اور مجھے ہر چیز سے نوازا۔
صنم چوہدری نے بتایا کہ ایک بات جو میرے دل سے نکل رہی ہے وہ یہ کہ اصل میں مجھے پتہ نہیں تھا کہ مرنا بھی ہے، یہ وہ وقت تھا جب مجھے احساس ہوا کہ کہیں میں بطور اداکارہ دنیا کو خوش کرنے کے لیے اپنے رب کو ناراض تو نہیں کر رہی۔
View this post on Instagram
