The news is by your side.

ٹینس اسٹار ثانیہ مرزا نے زندگی کی 32 بہاریں دیکھ لیں

ممبئی: قومی ٹیم کے اسٹار کھلاڑی شعیب ملک کی اہلیہ ثانیہ مرزا نے زندگی کی 32 بہاریں دیکھ لیں۔

تفصیلات کے مطابق بھارتی ٹینس اسٹار اور قومی کرکٹر شعیب ملک کی اہلیہ ثانیہ مرزا نے اپنی 32ویں سالگرہ شوہر شعیب ملک، نومولود بیٹے اذہان اور دیگر اہل خانہ کے ہمراہ منائی۔

سماجی رابطے کی ویب سائٹ ٹویٹر پر ثانیہ مرزا نے سالگرہ کی مبارک باد دینے پر مداحوں کا شکریہ ادا کیا اور کہا کہ میرے لیے آج کا دن بہت ہی اچھا ہے، آپ سب کی دعاؤں سے میرا دن اور بھی اچھا گزرا۔

قبل ازیں شعیب ملک نے ٹویٹر پر ایک فیملی فوٹو شیئر کی جس میں وہ اپنی اہلیہ ثانیہ مرزا، بیٹے اذہان اور دیگر رشتہ داروں کے ساتھ خوش و خرم نظر آرہے ہیں۔

شعیب ملک کا کہنا تھا کہ میرا بیٹا 16 دن کا ہوگیا ہے، آج کی ہی دن میری اہلیہ 16 برس کی ہوئی تھیں۔

خیال رہے کہ شعیب ملک 30 اکتوبر کو بیٹے کے باپ بنے تھے اور انہوں نے اپنی فیملی کو ترجیح دیتے ہوئے 21 نومبر سے شارجہ میں شروع ہونے والی ٹی ٹین لیگ شرکت نہ کرنے کا فیصلہ کیا تھا۔

Comments

یہ بھی پڑھیں