قومی ٹیم کے آل راؤنڈر شعیب ملک کی اہلیہ اور بھارتی ٹینس اسٹار ثانیہ مرزا نے انسٹاگرام پر دلچسپ تصویر شیئر کردی۔
قومی کرکٹر شعیب ملک کی اہلیہ ثانیہ نے فوٹو اور ویڈیو شیئرنگ ایپ انسٹاگرام پر ایک تصویر شیئر کی جس میں ان کے جسم کا آدھا حصہ دوسری سائیڈ پر رکھا دیکھا جاسکتا ہے، ان کی تصویر پر صارفین کی بڑی تعداد تبصرے اور ردعمل دے رہی ہے۔
تصویر میں دیکھا جاسکتا ہے کہ وہ ایک جگہ پوز بنا کر بیٹھی مسکرا رہی ہیں لیکن حیرت انگیز طور پر ان کے جسم کا نچلا حصہ دوسری جانب رکھا ہوا ہے جو کہ دراصل نقلی ٹانگیں ہیں جو مجسمے کا نچلا حصہ ہے۔
View this post on Instagram
ثانیہ نے تصویر کے ساتھ دلچسپ کیپشن درج کیا ’میں نے سوچا کہ اپنی ٹانگوں کو تھوڑا سا آرام دے دوں۔‘
ثانیہ مرزا کی اس پوسٹ پر بڑی تعداد میں صارفین ردعمل دے رہے ہیں ، چند گھنٹوں میں ہی ڈیڑھ لاکھ سے زائد افراد پوسٹ کو لائک کرچکے ہیں اور بڑی تعداد نے اس پر تبصرہ بھی کیا ہے۔
View this post on Instagram
ان کی پوسٹ پر عائزہ خان اور بھارتی اداکارہ نیہا دھوپیا نے بھی ثانیہ مرزا کی پوسٹ پر مسکرانے والی ایموجی شیئر کی۔
واضح رہے کہ گزشتہ روز ثانیہ مرزا نے فون لاک چیلنج میں حصہ لینے کی دلچسپ ویڈیو شیئر کی تھی، جس میں انہیں فون لاک چیلنج میں ساکت دیکھا جاسکتا ہے۔
View this post on Instagram
