The news is by your side.

Advertisement

حکومت کا جلد خواتین کے لیے پروگرام شروع کرنے کا فیصلہ

اسلام آباد: وزیر اعظم کی معاون خصوصی برائے سماجی بہبود و غربت مٹاؤ مہم ڈاکٹر ثانیہ نشتر نے اعلان کیا ہے کہ احساس نشوونما پروگرام کا آغاز جلد کیا جائے گا۔

سماجی رابطے کی ویب سائٹ پر جاری اپنے بیان میں ثانیہ نشتر کا کہنا تھا کہ  اسٹنٹنگ کی روک تھام پرمبنی احساس نشوونما پروگرام جلدشروع کیاجارہاہے، پروگرام کے تحت خیبر کے نشوونما مرکز کی تیاریاں آخری مراحل میں ہیں۔

اُن کا کہنا تھا کہ احساس نشوونما پروگرام میں صارف خواتین کو نقد اور ماہانہ ظائف دیےجائیں گے، تمام نشوونما مراکز پر اے ٹی ایم خاص طور پر نصب کیےجارہےہیں، یہ اقدام صارف خواتین کی بائیومیٹرک تصدیق سےآسان ادائیگی کےلیے کیا جارہا ہے۔

مزید پڑھیں: احساس ایمرجنسی کیش پروگرام ، ثانیہ نشتر نے پاکستانی عوام کو بڑی خوشخبری سنادی

اُن کا کہنا تھا کہ ’خواتین اور  کمزور بچوں کو صحت بخش اضافی غذا کے پیکٹ فراہم کیے جائیں گے، نشوونما مراکز پر پیکٹوں کی ترسیل و تقسیم کا ریکارڈ رکھا جائے گا، خواتین ،،بچوں کی خوراک اور صحت و صفائی پر چارٹ اور پوسٹر بنائےگئے ہیں۔

اُن کا کہنا تھا کہ سیکیورٹی گارڈ اور ان کی اہلیہ سے گفتگو ہوئی، دوران گفتگویہ جان کر بہت خوشی ہوئی کہ ان کی ساری بیٹیاں سکول جاتی ہیں، لڑکوں اور لڑکیوں کو تعلیم کی اہمیت پر گارڈ اور اُن کی اہلیہ نے میری بات سے اتفاق کیا۔

Comments

یہ بھی پڑھیں