شوبز انڈسٹری کی سینئر اداکارہ ثانیہ سعید کا کہنا ہے کہ پیسے کمانے کے لیے اداکاری کرنی پڑتی ہے۔
اے آر وائی ڈیجیٹل کے پروگرام ’گڈ مارننگ پاکستان‘ میں سینئر اداکارہ ثانیہ سعید نے شرکت کی اور میزبان ندا یاسر کی جانب سے پوچھے گئے مختلف سوالات کے جوابات دیے۔
ثانیہ سعید نے بتایا کہ لوگ مجھ سے پوچھے تھے کہ آپ نے اتنا پڑھا ہے تو اداکاری کیوں کرتی ہیں۔
انہوں نے کہا کہ ’میں کلینیکل سائیکالوجی میں ماسٹرز کررہی تھی لیکن امتحان نہیں دیے تھے میرے پاس ڈگری نہیں ہے لیکن ماسٹرز کے برابر ہی ہے۔‘
اداکارہ نے بتایا کہ حال ہی میں انہوں نے لائف کوچ کا کورس مکمل کیا ہے۔
ثانیہ سعید نے بتایا کہ اداکاری کے ساتھ ساتھ کسی پروجیکٹ میں بیک اسٹیج منیجر ہوتی تھی یا پھر مارکیٹنگ کے معاملات دیکھ رہی ہوتی تھی۔
میزبان ندا یاسر پوچھا کہ اداکاری آپ نے پیسے کمانے کے لیے نہیں کی؟
انہوں نے کہا کہ اب پیسے کمانے کے لیے اداکاری کرنی پڑتی ہے کیونکہ میرے پاس کوئی چوائس نہیں ہے پہلے بہت ہوتی تھی میں جتنے اسکرپٹ سے انکار کرتی تھی اس سے زیادہ میں کام کرلیتی تھی۔
واضح رہے کہ ثانیہ سعید ان دنوں اے آر وائی ڈیجیٹل کے ڈرامہ سیریل ’بندش ٹو‘ میں اداکاری کے جوہر دکھا رہی ہیں، دیگر کاسٹ میں آمنہ الیاس، عفان وحید، اریج محی الدین ودیگر شامل ہیں۔
