پیر, جولائی 7, 2025
اشتہار

سندھ اسمبلی کے داخلی دروازے پر لگایا گیا سینیٹائزر گیٹ ہٹا دیا گیا

اشتہار

حیرت انگیز

کراچی: سندھ اسمبلی کی انتظامیہ نے اراکین اسمبلی کے لیے لگایا گیا سینیٹائزر گیٹ ہٹا دیا۔

تفصیلات کے مطابق سندھ کے سب سے بڑے ایوان میں کرونا ایس او پیز کو نظر انداز کر دیا گیا۔اسمبلی انتظامیہ نے اراکین سندھ اسمبلی کے لگایا گیا سینیٹائزر گیٹ ہٹا دیا۔

سندھ اسمبلی کے مختلف گیلریز میں لگے ہینڈ سینیٹائزرز بھی خالی ہیں۔ارکان اسمبلی اور اسٹاف بغیر احتیاطی تدابیر آناجانا کر رہے ہیں۔

دوسری جانب سندھ اسمبلی کی انتظامیہ کا کہنا ہے کہ سینیٹائزرگیٹ ہٹایا نہیں گیا بلکہ طوفانی بارش کے باعث ٹوٹی۔

خیال رہے کہ سینیٹائزر ٹنل سندھ اسمبلی کے داخلی دروازے پر لگائی گئی تھی۔سینی ٹائزرٹنل کی مشینری دھوپ میں پڑی خراب ہونے لگی۔

پاکستان میں یومیہ کورونا کیسز اور اموات میں کمی

واضح رہے کہ 24 گھنٹوں میں کرونا کے 32 مریض دم توڑ گئے، جس کے بعد اموات کی تعداد 5709 ہوگئی جبکہ کیسز کی تعداد 2 لاکھ 69 ہزار سے زائد تک جا پہنچی۔

این سی او سی کے مطابق ملک میں کرونا کے فعال کیسز کی تعداد 50 ہزار307 ہے، 24گھنٹےمیں ملک بھر میں 22 ہزار 408 ٹیسٹ کیے گئے جبکہ مجموعی طور پر اب تک17 لاکھ 99 ہزار 290 ٹیسٹ کیے جا چکے ہیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں