بالی وڈ کے سارے ہی اداکار ہ و اداکار اپنے آپ کو فٹ رکھنے کے لیے کئی طرح کی ورزش کرتے ہیں لیکن سنجے دت نے منفرد انداز میں ورک آؤٹ کرنے کی ویڈیو وائرل ہوگئی۔
بالی وڈ کے ’سنجو بابا‘ سے مشہور اداکار سنجے دت نے فوٹو اینڈ شیئرنگ ایپ انسٹاگرام پر اپنی ایک ویڈیو شیئر کی ہے جسے دیکھ کر صارفین خیران رہ گئے۔
سنجے دت ایک ایسے اداکار ہیں جو اپنے ورزش اور توانائی سے لوگوں کو حیران کردیتے ہیں، اداکار نے ایک بار پھر ثابت کردیا کہ وہ ورک آؤٹ کرنے کے معاملے میں سب سے آگے ہیں۔
بالی وڈ کے 63 سالہ اداکار سنجے دت کی یہ ویڈیو اس لیے بھی منفرد ہے کیوں کہ اس میں انہیں کلہاڑی سے ٹکرے کرتے ہوئے دیکھا جاسکتا ہے۔
View this post on Instagram
ویڈیو کو شیئر کرتے ہوئے اداکار نے کیپشن میں لکھا کہ’ جو پہلے کرتا تھا وہ ہی کرتا ہوں، لکڑی کاٹنا ورزش کرنے کے بہترین طریقے میں سے ایک ہے، یہ جسم کے اوپری حصے کو مضبوط بناتا ہے۔
انہوں نے کہا کہ’ یہ اچھی ورزش ہے، اس طرح آپ بھی یہ ورک آؤٹ ضرور کریں، آُ کو بھی مزہ آئے گا، اداکار کی اس ویڈیو کو ان کے مداحوں کی جانب سے خوب پسند کیا جارہا ہے۔
View this post on Instagram
ایک صارف نے اداکار پر طنز کرتے ہوئے لکھا کہ’ سنجو بابا وہی کررہے ہیں جو وہ جیل میں کیا کرتے تھے، ایک اور صارف نے لکھا کہ’ جو کام آپ کررہے ہیں وہی کام ہم نے اپنے دادا کے ساتھ کیا ہےفرق صرف اتنا ہے کہ آپ باڈی بنانے کے لیے یہ کررہے ہیں جبکہ ہم اپنی زندگی گزارنے کے لیے کرتے تھے‘۔
یاد رہے بالی وڈ کے سپر اسٹار اداکار سنجے دت نے 42 ماہ جیل میں گزارا ہے، جس سے متعلق انہوں نے کئی شوز میں بات کی ہے۔
