اسلام آباد : ڈسٹرکٹ اینڈ سیشن کورٹ نے سارہ انعام قتل کیس میں مرکزی ملزم کی والدہ کی عبوری ضمانت میں 19 اکتوبرتک توسیع کردی۔
تفصیلات کے مطابق اسلام آباد کی ڈسٹرکٹ اینڈ سیشن کورٹ میں سارہ انعام قتل کیس کی سماعت ہوئی۔
مرکزی ملزم کی والدہ اپنے وکیل کے ہمراہ عدالت کے سامنے پیش ہوئیں ، عدالت نے شاہ نواز کی والدہ کی عبوری ضمانت میں 19 اکتوبر تک توسیع کردی۔
- Advertisement -
ایڈیشنل سیشن جج شیخ سہیل کی رخصت کے باعث سماعت بغیر کارروائی ملتوی کردی گئی، ایڈیشنل سیشن جج شیخ سہیل اپنےوالدکی وفات کی وجہ سےچھٹی پر ہیں۔
خیال رہے عدالت نے آج مدعی کےوکیل راؤعبد الرحیم سے دلائل طلب کر رکھے تھے۔
گذشتہ روز ڈسٹرکٹ اینڈ سیشن عدالت نے سارہ انعام قتل کیس میں پولیس کی جانب سے ملزم کی جوڈیشل ریمانڈ کی استدعا منظور کرتے ہوئے عدالت نے شاہنواز امیرکو 14 روز کے لیے جیل بھیج دیا تھا۔
