پاکستان کرکٹ ٹیم کے کپتان سرفراز احمد اپنے بیٹے کو کاندھوں پر بٹھائے مدینہ منورہ کی گلیوں میں چل رہے ہیں اور ان لے لبوں پر نعت رسول مقبول ﷺ ہے۔
ہر عاشق رسول ﷺ کے لبوں سے ہر وقت درود وسلام کے نذرانے یا نبی آخر الزماں ﷺ کی بارگاہ میں عقیدت کے پھول ہی نچھاور ہوتے ہیں اور اگر بات ہو شہر مدینہ کی تو پھر عشق اپنی انتہا پر ہوتا ہے اور اس کی چلتی پھرتی مثالیں اکثر لوگ اپنی آنکھوں سے دیکھتے رہتے ہیں۔
سوشل میڈیا پر پاکستان کرکٹ ٹیم کے سابق کپتان سرفراز احمد کی اپنے بیٹے عبداللہ کے ہمراہ مدینۃ المنورہ کی گلیوں میں نعت رسول مقبول ﷺ پڑھنے کی ویڈیو وائرل ہو رہی ہے۔
اس وائرل ویڈیو میں دیکھا جا سکتا ہے کہ سرفراز احمد اپنے 5 سالہ بیٹے عبداللہ کو کاندھوں پر بٹھائے ہوئے ہیں اور دونوں باپ بیٹے جذبہ عشق رسول ﷺ سے لبریز ہوکر بارگاہ رسالت ﷺ میں عقیدت کے پھول نچھاور کر رہے ہیں۔
ویڈیو میں دیکھا اور سنا جا سکتا ہے کہ سرفراز احمد اور عبداللہ لہک لہک کر نعت رسول مقبول ﷺ ’’پھر کرم ہوگیا میں مدینے چلا‘‘ پڑھ رہے ہیں۔
Former captain @SarfarazA_54 and his son Abdullah reciting Naat in Medina#PSL2023 #CricketTwitter #SarfarazAhmed pic.twitter.com/bUYLYVpsJP
— muzamilasif (@muzamilasif4) January 21, 2023
جس نے بھی اس ویڈیو کو دیکھا وہ دیکھتا ہی چلا گیا اور باپ بیٹے کی اس عقیدت نے ان کے دلوں کو جیت لیا۔
