کراچی: قومی کرکٹ ٹیم کے سابق کپتان اور وکٹ کیپر بیٹر سرفراز احمد کے بیٹے کا انگلش آل راؤنڈر بین اسٹوکس کیلئے پیغام سوشل میڈیا پر وائرل ہوگیا ہے۔
کرکٹر سرفراز احمد کی اہلیہ خوش بخت نے ٹوئٹر پر بیٹے عبداللہ کی طرف سے انگلینڈ کرکٹ ٹیم کو ورلڈ کپ جتوانے والے آل راؤنڈر بین اسٹوکس کی ون ڈے کرکٹ سے ریٹائرمنٹ کے اعلان پر ان کے نام پیغام جاری کیا ہے۔
سرفراز احمد کے بیٹے عبداللہ کی جانب سے دیے گئے پیغام میں کہا گیا کہ ‘ہم آپ کو ہمیشہ یاد کریں گے’۔
To Ben,
From Abdullah
We will miss you! https://t.co/rHbrsAHEWx— Khushbakht Sarfaraz Ahmed (@sarfarazkhush) July 19, 2022
واضح رہے کہ گزشتہ روز انگلینڈ ٹیسٹ ٹیم کے کپتان بین اسٹوکس نے ون ڈے کرکٹ سے ریٹائرمنٹ کا اعلان کردیا تھا، ان کا کہنا تھا کہ وہ 19 جولائی کو جنوبی افریقا کےخلاف اپنے کیریئر کا آخری ون ڈے میچ کھیلے گے۔ اپنے بیان میں بین اسٹوکس کا مزید کہنا تھا کہ وہ سارا فوکس اب ٹیسٹ اور ٹی ٹوئنٹی کرکٹ پر رکھنا چاہتے ہیں۔
آل راؤنڈر بین اسٹوکس نے 105 ایک روزہ میچز میں انگلینڈ کی نمائندگی کی، جس میں انہوں نے 38 اعشاریہ 98 کی اوسط سے 2 ہزار 924 رنز اسکور کیے، انہوں نے ون ڈے میچز میں 3 سنچریاں اور 21 نصف سنچریاں اسکور کی۔ آل راؤنڈر نے 2019 کے ورلڈکپ فائنل میں میچ وننگ اننگز کھیل کر انگلینڈ کو ٹورنامنٹ میں کامیابی دلوائی تھی۔
