کراچی کنگز کے خلاف میچ میں کوئٹہ گلیڈیئٹرز کے کپتان سرفراز احمد نے اتنی تگڑی اپیل کی کہ امپائر اپنی انگلی اور شعیب ملک اپنی ہنسی پر قابو نہ رکھ سکے۔
اے آر وائی نیوز کے مطابق ایچ بی ایل پی ایس ایل 8 کے سنسنی خیز مقابلے جاری ہیں۔ گزشتہ روز کراچی کے نیشنل اسٹیڈیم میں کراچی کنگز اور کوئٹہ گلیڈیئٹرز کے درمیان ایک اور سنسنی خیز میچ کھیلا گیا جو 6 رنز سے کوئٹہ نے اپنے نام کرلیا۔ اس میچ کے دوران انتہائی دلچسپ واقعہ پیش آیا۔
کوئٹہ گلیڈیئٹرز کی جانب سے دیے گئے 169 رنز کے ہدف کے تعاقب میں کراچی کنگز کی بیٹنگ جاری تھی اور سینیئر آل راؤنڈر شعیب ملک کریز پر موجود تھے۔ میچ سنسنی خیز تھا اور کنگز بھرپور تعاقب کر رہا تھا۔ ایسے میں کوئٹہ کے بالر قیس احمد کی بال پر شعیب ملک کے خلاف ایل بی ڈبلیو کی اپیل ہوئی۔
صاف لگ رہا تھا کہ شعیب ملک آؤٹ نہیں ہیں لیکن میچ کے اس نازک مرحلے پر مخالف کپتان سرفراز احمد نے ایسی تگڑی اپیل کی کہ امپائر اپنی انگلی پر قابو نہ رکھ سکے اور انگلی اٹھانے پر مجبور ہوگئے تاہم اس اپیل پر مخالف سمت موجود بلے باز شعیب ملک بھی اپنی ہنسی پر قابو نہ پاسکے اور وہ سرفراز کی اپیل پر امپائر کا فیصلہ دیکھ کر بے ساختہ ہنس پڑے۔
یہ بھی پڑھیں: ایک کیچ جس نے میچ کا نقشہ بدل کر رکھ دیا
بعد ازاں انہوں نے اس فیصلے کے خلاف ریویو لیا جس میں وہ ناٹ آؤٹ تھے یو امپائر کو اپنا فیصلہ بدلنا پڑ گیا۔
