The news is by your side.

Advertisement

ثروت گیلانی کی ہوائی فائرنگ کی ویڈیو وائرل، سوشل میڈیا صارفین کی تنقید

کراچی : پاکستانی اداکارہ ثروت گیلانی کی ہوائی فائرنگ پر پابندی کے باوجود فائرنگ کی ویڈیو سوشل میڈیا پر وائرل ہوگئی۔

تفصیلات کے مطابق پاکستان ٹی وی و فلم انڈسٹری کی معروف اداکارہ ثروت گیلانی کی اسلحے کے ساتھ ویڈیو نے سوشل میڈیا صارفین کی توجہ اپنی جانب مبذول کرلی ہے۔

سوشل میڈیا پر وائرل ہونے والی ویڈیو میں ثروت گیلانی ہوائی فائرنگ کرنے سے پہلے پشتو ڈائیلاگ کہتی نظر آرہی ہیں۔

فلم جوانی پھر نہیں آنی اور جوانی پھر نہیں آنی 2 میں گل کا کردار ادا کرنے والی ثروت گیلانی کی اس جرات مندانہ صلاحیت سے اُن کے مداح حیرت زدہ ہیں جبکہ دیگر سوشل میڈیا صارفین کھلے عام فائرنگ کرنے اور سوشل میڈیا پر شیئر کرنے پر تنقید کے نشتر برسا رہے تھے۔

سوشل میڈیا پر تنقید کے بعد ثروت گیلانی نے کسی پریشانی سے دوچار ہونے کے خدشے کے باعث ویڈیو کو اپنے انسٹاگرام سے ہٹا دیا۔

واضح رہے کہ ہوائی فائرنگ پر پابندی کے باوجود شوٹنگ کے دوران ثروت گیلانی نے ہوائی فائرنگ کی ہے۔

Comments

یہ بھی پڑھیں