گال ٹیسٹ کے تیسرا دن مڈل آرڈر بلے باز سعود شکیل کے نام رہا انہوں نے سری لنکا کی سرزمین پر وہ کر دکھایا جو بڑے بڑے بلے باز نہیں کرسکے۔
پاکستان اور سری لنکا کے درمیان دو ٹیسٹ میچوں پر مشتمل سیریز کے گال میں کھیلے جا رہے پہلے ٹیسٹ کے تیسرا دن مڈل آرڈر بلے باز سعود شکیل کے نام رہا جنہوں نے پہلے آغا سلمان کے ساتھ 177 رنز کی شراکت قائم کرکے پاکستان کو خطرے کے نشان سے باہر نکالا پھر دن کے اختتام سے کچھ وقت قبل اپنی شاندار ڈبل سنچری سے کیا جو ان کے کیریئر کی پہلی ڈبل سنچری ہے۔
سعود شکیل کی سری لنکا کے خلاف شاندار ڈبل سنچری
سعود شکیل کی سری لنکا کے خلاف ڈبل سنچری سنچری کرنے والے پہلے قومی بلے باز بن گئے اور آئی لینڈر کے دیس میں سب سے بڑی اننگ کھیلنے والے پاکستانی بیٹر کا اعزاز حاصل کیا۔
سعود شکیل کا پی ایس ایل میں نہ کھلائے جانے پر دلچسپ ٹوئٹ
مڈل آڈر بیٹر کی یہ ڈبل سنچری ٹیسٹ کرکٹ میں کسی پاکستانی بلے باز کی 45ویں اور پچھلے سات سالوں میں صرف دوسری ہے، اس سے قبل عابد علی نے 2021 میں ہرارے میں زمبابوے کے خلاف 215 رنز بنائے تھے۔
سعود شکیل کے نام بڑا اعزاز
گال میں پاکستان کی پہلی اننگز کے بعد سعود شکیل کی بیٹنگ 98.5 اوسط شاندار رہی، سعود دنیا کے دوسرے بلے باز ہیں جن کی آل ٹائم گریٹ سر ڈان بریڈ مین کے بعد 10 ٹیسٹ اننگ میں 100 کے ہندسے کو چھوتی بیٹنگ اوسط سے رنز کیے ان سے آگے سر ڈونلڈ بریڈ میں کی بیٹنگ اوسط 99.94 رہی ہے۔
ٹیسٹ کرکٹ میں ڈان بریڈ مین کے اتنا قریب پہنچنے کا اعزاز بھی نوجوان پاکستانی بیٹر سعود شکیل کو حاصل ہوا ہے۔
View this post on Instagram
اپنی غیر معمولی کارکردگی کی وجہ سے سعود شکیل نے صرف 11 ٹیسٹ اننگز کے بعد پہلے پاکستانی بلے باز بن گئے جنہوں نے اتنی اننگز میں سب سے زیادہ رنز (788) کا ریکارڈ اپنے نام کیا۔
اس کے علاوہ سعود شکیل پاکستان کے دوسرے بلے باز ہیں جنہوں نےدوسری سرزمین پر اپنے پہلے ٹیسٹ میچ میں ڈبل سنچری بنائی، اس سے قبل پاکستان کے سابق کپتان محمد حفیظ نے اسی سرزمین پر بڑی انفرادی اننگز کھیلی تھی۔
